На сустрэчу ў бібліятэку былі запрошаны аўтары дасланых вершаваных і празаічных работ, а агучыла вынікі творчага спаборніцтва літаратараў старшыня раённай ветэранскай арганізацыі Таццяна Лычкоўская. Дыплом пераможцы конкурсу ўручаны карэспандэнту раённай газеты “Чырвоная зорка” Віктару Сабалеўскаму. Падзякі за актыўны ўдзел у мерапрыемстве атрымалі таксама члены Саюза пісьменнікаў Беларусі Галіна Нічыпаровіч, Дзмітрый Вінаградаў, Валянціна Шытыка, члены літаб’яднання “Нёманец” Вольга Бокуць, Тамара Каляда, Алена Дрэка, Міхаіл Чыгір.
Дырэктар бібліятэкі расказала аб мерапрыемствах, праведзеных за апошні час у сценах установы. Пра клопаты людзей сталага ўзросту паведаміла Таццяна Лычкоўская. А потым літаратары расказвалі пра тое, што натхніла іх на напісанне твораў, прысвечаных роднаму краю. Усё пазнаецца ў параўнанні. Прыгадваючы ўбачанае ў свой час у Польшчы і Прыбалтыцы, Туркменіі і Закарпацці, Германіі і Удмурціі, іншых краях, пісьменнікі і паэты прызнаваліся ў любові да Беларусі, маляўнічых мясцін Уздзеншчыны, Міншчыны. Так і атрымаўся агульны творчы партрэт роднай старонкі.
Источник: minsk-region.gov.by
