Нягледзячы на халаднаватае надвор'е, у палях шмат тэхнікі. Гэта найбольш прыкметна на поўдні рэгіёна. Механізатары ўвайшлі ў інтэнсіўны 12-гадзінны графік. Як фарміруецца будучы ўраджай пшаніцы на палях Салігорскага раёна, убачыў Аляксей Кандраценка.
Парывісты вецер, асаблівыя контуры палёў, але ў трактароў роўны курс па патрэбнай траекторыі. У гаспадарцы "Гарняк" магутныя "Беларусы" цягнуць культыватары па полі, дзе пачынаюць сеяць яравую пшаніцу. Два тандэмы машын за змену апрацуюць 100 гектараў. Тэмпы інтэнсіўныя, важная кожная хвіліна.
Зараз механізатары працуюць у палях літаральна цэлы дзень – з 8 раніцы і да позняга вечара. Пры такім тэмпе прадугледжаны і абедзенны перапынак. Ежу прывозяць у палі з самаго сельгаспрадпрыемства.
Гарачы абед - зручны варыянт падсілкавацца ў палявых умовах і для Кірыла Нячая. Механізатар ужо дзясяты сезон працуе ў гэтай гаспадарцы (энерганасычаную тэхніку давяраюць толькі вопытным).
Суседзі-аграрыі Беларуськалія ў Салігорскім раёне, як і ўсе сельгасарганізацыі вобласці, гэтымі днямі забяспечаны мінеральнымі ўгнаеннямі.
Сёння спецыялісты АПК забягаюць наперад і плануюць аграсезон: акрамя збожжавых і зернебабовых культур, асаблівая ўвага і травам. Першы ўкос традыцыйна ў канцы мая.
Услед за раннімі яравымі пачнуць сеяць кукурузу, цукровыя буракі і лён. Іх час прыйдзе ў сярэдзіне красавіка. А на залатыя катахі асаблівыя планы. Сёлета ў Мінскай вобласці разлічваюць атрымаць 600 тысяч тон збожжа кукурузы, што напалову больш за леташні ўзровень.
