У час планетарнага форуму будуць разыграны медалі ў наступных узроставых групах: 35-39, 40-44, 45-49, 50-54, 55-59, 60-65, 65-70 гадоў і 70+. Вагавыя катэгорыі спартсменаў: 62, 68, 74, 82, 90, 100, 100+ кг.
Акрамя барцоўскіх паядынкаў гасцей турніру чакаюць розныя актыўнасці і майстар-класы ад легенд сусветнага самба. 14-разовы рэкардсмен Кнігі рэкордаў Гінеса валагжанін Міхаіл Сурыкаў у рамках дадатковай праграмы плануе ўстанавіць два новыя сусветныя рэкорды - стойка на кулаках ва ўпоры на дошку з цвікамі з дадатковай вагой 15 кг і адцісканні на цвіках.
"Паколькі такіх падзей у свеце цяпер няшмат, мы зробім усё, каб госці і ўдзельнікі атрымалі самыя лепшыя і яркія ўражанні ад самога турніру, ад звязаных з ім мерапрыемстваў і, вядома, ад традыцыйнай беларускай гасціннасці", - пракаменціраваў інфармацыю аб правядзенні сусветнага форуму ў Мінску член выканкама Міжнароднай федэрацыі самба (FIAS), кіраўнік асацыяцыі спартсменаў "Мы родам з самба", заслужаны майстар спорту СССР і шматразовы чэмпіён свету па самба Уладзімір Япрынцаў.
Арганізатарамі выступаюць Міжнародная федэрацыя самба (FIAS), Міністэрства спорту і турызму Беларусі, асацыяцыя спартсменаў "Мы родам з самба" пры падтрымцы Пастаяннага камітэта Саюзнай дзяржавы.
Раней Міжнародная федэрацыя самба паведамляла аб адмене некалькіх вялікіх турніраў, запланаваных на 2020 год. У іх ліку значыўся і ЧС сярод майстроў, які першапачаткова быў запланаваны ў Нідэрландах на кастрычнік. Аднак гэта рашэнне было перагледжана.
