- Трэцяга жніўня на Чырвонаслабодскім рудніку разведачным канвеерным брэмсбергам ускрыты другі калійны гарызонт. Асваенне новага гарызонту дазволіць павялічыць магутнасці па здабычы руды да 9 млн. тон, і не менш чым на 10 гадоў падоўжыць тэрмін эксплуатацыі рудніка, - гаворыцца ў паведамленні.
Чырвонаслабодскі руднік быў уведзены ў эксплуатацыю ў маі 2009 года. Па праекце яго вытворчая магутнасць па здабычы руды складала шэсць мільёнаў тон, сёння гэтая лічба - 8,7 млн. тон.
Паводле інфармацыі "Беларуськалія", з дапамогай новых тэхналогій і абсталявання шахцёры праклалі тунэль даўжынёй 1,2 кіламетра да новага гарызонту, зараз руда з новай распрацоўкі ўжо паднімаецца на паверхню.
