Бакі разгледзелі пытанні супрацоўніцтва ў галіне геалогіі і нетракарыстання, перспектывы ўзаемадзеяння ў сферы аховы нетраў, работы па геалагічным карціраванні сумежных тэрыторых дзвюх краін. На парадку дня было і супрацоўніцтва ў сферы гідраметэаралогіі і маніторынгу навакольнага асяроддзя, абыходжання з адходамі, рацыянальнага выкарыстання і аховы трансгранічных водных аб'ектаў.
Як падкрэсліў міністр прыродных рэсурсаў і аховы навакольнага асяроддзя Беларусі Андрэй Худык, узаемадзеянне з Расіяй у прыродаахоўнай сферы мае глыбокія карані і развіваецца даволі дынамічна дзякуючы сумесна распрацаванай прававой і інстытуцыянальнай аснове. Ведамствы праводзяць планамерную работу на шматбаковым узроўні ў міжнародных арганізацыях.
Беларусь і Расія супрацоўнічаюць у рамках каардынацыйнай групы развіцця ўсходняга напрамку Канвенцыі ЕЭК ААН аб трансгранічным забруджванні паветра на вялікія адлегласці. Краіны з'яўляюцца актыўнымі ўдзельнікамі міжнародных рабочых груп па маніторынгу і ацэнцы стану навакольнага асяроддзя.
