За чэрвень золатавалютныя рэзервы выраслі на $96,6 млн (на 1,3 працэнта) пасля зніжэння ў маі на $351,5 млн (на 4,5 працэнта).
"Пры гэтым у чэрвені ўрадам выканана знешніх і ўнутраных абавязацельстваў у замежнай валюце на суму каля $210 млн у эквіваленце. Акрамя таго, негатыўны ўплыў на паказчык міжнародных рэзервовых актываў аказала пераацэнка манетарнага золата і спецыяльных правоў пазыкі Міжнароднага валютнага фонду", - адзначылі ў Нацбанку.
Падтрыманню ўзроўню золатавалютных рэзерваў садзейнічала купля Нацыянальным банкам замежнай валюты на таргах Беларускай валютна-фондавай біржы.
Згодна з асноўнымі напрамкамі грашова-крэдытнай палітыкі на 2022 год аб'ём міжнародных рэзервовых актываў на 1 студзеня 2023 года павінен скласці не менш як $7 млрд.
