У ліпені гэтага года сярэдняя зарплата работнікаў была Br1471,7, у чэрвені - Br1433,4.
У разрэзе рэгіёнаў традыцыйна лідзіруе сталіца: сярэдняя зарплата мінчан у жніўні дасягнула Br2016,6 (тэмп росту рэальнай зарплаты да жніўня мінулага года - 103,2 працэнта). У Мінскай вобласці яна склала Br1499,9 (105,0 працэнта), Гомельскай - Br1319,0 (105,5 працэнта), Гродзенскай - Br1266,8 (104,6 працэнта), Брэсцкай - Br1252,7 (103,9 працэнта), Віцебскай - Br1233,7 (103,6 працэнта), Магілёўскай - Br1200,0 (103,7 працэнта).
Больш за ўсё атрымлівалі работнікі такіх сфер, як інфармацыйныя тэхналогіі і дзейнасць у галіне інфармацыйнага абслугоўвання (Br5648,6), дзейнасць пасажырскага паветранага транспарту (Br4001,0) і дзейнасць грузавога паветранага транспарту (Br2594,7), дапаможная дзейнасць у сферы фінансавых паслуг і страхавання (Br3306,9), горназдабыўная прамысловасць (Br2856,5), вытворчасць хімічных прадуктаў (Br2674,4), вытворчасць коксу і прадуктаў нафтаперапрацоўкі (Br2357,0), дзейнасць у галіне камунікацый (Br2224,9), фінансавыя паслугі, акрамя страхавання і дадатковага пенсійнага забеспячэння (Br2193,9), навуковыя даследаванні і распрацоўкі ў галіне тэхнічных навук (Br2056,8).
Менш за ўсё налічана работнікам цырульняў і салонаў прыгажосці (Br751,6), сферы творчай дзейнасці і забаў (Br809,7), бібліятэк, архіваў, музеяў і іншых устаноў у галіне культуры (Br808,6), тым, хто займаецца доглядам у спецыялізаваных установах і прадастаўленнем сацыяльных паслуг (Br801,9), а таксама спецыялістам сферы рыбалоўства і рыбаводства (Br833,2).
