"Штогод у апошнюю нядзелю чэрвеня Беларусь адзначае Дзень моладзі. З 21 па 27 чэрвеня ў нашай краіне аб'яўлены Тыдзень моладзі", - сказаў Аляксандр Кадлубай.
Паводле яго слоў, сёння моладзь складае амаль 30 працэнтаў насельніцтва планеты. "Паводле даных Нацыянальнага статыстычнага камітэта, у Беларусі пражывае каля 1,7 млн маладых людзей, а гэта амаль кожны пяты жыхар краіны. Таму пры вызначэнні агульнанацыянальных прыярытэтаў у нашай краіне абавязкова ўлічваюцца інтарэсы моладзі як найбольш актыўнай часткі грамадства", - адзначыў намеснік міністра.
Да рэалізацыі дзяржаўнай маладзёжнай палітыкі прыцягнуты ўсе без выключэння дзяржаўныя органы і арганізацыі ўсіх форм уласнасці, грамадскія аб'яднанні, грамадзянская супольнасць. "Гэта дазволіла стварыць паспяховую сістэму сацыяльных, эканамічных, палітычных, арганізацыйных і іншых мер, накіраваных на падтрымку маладых грамадзян. На фінансаванне мерапрыемстваў падпраграмы "Маладзёжная палітыка" дзяржаўнай праграмы "Адукацыя і маладзёжная палітыка" на 2021-2025 гады будзе накіравана Br10 млн", - падкрэсліў Аляксандр Кадлубай.
