"Ідзе абмеркаванне, мы разгортваем дыялогавыя пляцоўкі па гэтым пытанні ў рэгіёнах. У Мінпрацы паступае шмат зваротаў аб пашырэнні напрамкаў выкарыстання сямейнага капіталу", - сказала Ірына Касцевіч.
Як правіла, шматдзетныя сем'і, якія хочуць патраціць сямейны капітал датэрмінова, накіроўваюць яго на паляпшэнне жыллёвых умоў. Таму шэраг зваротаў датычыцца таго, каб пашырыць магчымасці выкарыстання гэтых сродкаў пры будаўніцтве жылля. Напрыклад, прапануецца дазволіць за кошт сямейнага капіталу пагашаць пазыкі на будаўніцтва, якія прадаставіў наймальнік.
Паступаюць прапановы пашырыць спектр платных медыцынскіх паслуг, на якія можна было б выкарыстоўваць сямейны капітал.
"Мы збіраем пакет прапаноў ад шматдзетных сем'яў і будзем разглядаць магчымасці па пашырэнні сямейнага капіталу", - рэзюмавала Ірына Касцевіч.
