12 верасня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў супрацоўнікаў і ветэранаў органаў папярэдняга следства з прафесійным святам. Аб гэтым БЕЛТА паведамілі ў прэс-службе беларускага лідара.
"На вашы плечы ўскладзена найвышэйшая адказнасць за захаванне законнасці і парадку ў краіне, міру і згоды ў грамадстве. Ад аператыўнасці і якасці вашай работы залежыць давер грамадзян праваахоўным органам і дзяржаве ў цэлым", - гаворыцца ў віншаванні.
Прэзідэнт падзякаваў супрацоўнікам Следчага камітэта за выключны прафесіяналізм, аб'ектыўнасць і вернасць прысязе. "Упэўнены, што і ў далейшым пры выкананні пастаўленых задач ваш калектыў будзе прытрымлівацца прынцыпаў законнасці, справядлівасці і непазбежнасці пакарання, застаючыся ўзорам мужнасці, прынцыповасці і адданага служэння Рэспубліцы Беларусь і яе народу", - падкрэсліў ён.
Аляксандр Лукашэнка выказаў удзячнасць ветэранам органаў следства за прыклад сапраўднага патрыятызму і істотны ўклад ва ўмацаванне нацыянальнай бяспекі.
Кіраўнік дзяржавы пажадаў супрацоўнікам і ветэранам органаў папярэдняга следства, а таксама іх сем'ям моцнага здароўя, міру, дабрабыту.
Адрас: 222001, г.Крупкі, вул.Савецкая,8
Тэлефон/Факс прыёмнай: +375 (1796) 27663
Е-mail: info@krupki.gov.by (для дзелавой перапіскі)
Тэлефон "гарачай лініі" райвыканкама: +375 (1796) 20620
Адзіны тэлефонны нумар даведачнай службы "адно акно" - 142
