Падчас рэйдаў ДАІ адпрацуе месцы канцэнтрацыі ДТЗ, а таксама аварыйна-небяспечныя ўчасткі аўтамабільных дарог і вуліц населеных пунктаў, найбольш схільных да рызыкі ўчынення наездаў на пешаходаў. Вартавыя дарог звернуць увагу на выяўленне парушэнняў з боку пешаходаў, якія ігнаруюць ПДР, асабліва тых, хто знаходзіцца на вулічна-дарожнай сетцы ў цёмны час сутак без святлоадбіўных элементаў і тым больш у стане ап'янення. Акрамя таго, інспектары ДПС пракантралююць выкананне вадзіцелямі транспартных сродкаў правілаў праезду пешаходных пераходаў, якія не рэгулююцца.
Дарэчы, за 10 месяцаў б.г. на тэрыторыі Мінскай вобласці зарэгістравана 128 ДТЗ з удзелам пешаходаў, у якіх 38 чалавек загінулі і 93 - атрымалі траўмы, 21 з якіх непаўналетні. Па віне саміх жа пешаходаў адбылося 60 ДТЗ, дзе 24 чалавекi загінулі, 37 - траўміраваны.
На пешаходных пераходах за названы перыяд адбылося 38 ДТЗ, у якіх 4 чалавекі загінулі, 34 - атрымалі траўмы рознай ступені цяжкасці.
Акрамя таго, вартавымі дарог вобласці выяўлена 31504 парушэнні з боку пешаходаў, з іх - 8944 пешахода канфіскавана з праезнай часткі ў стане ап'янення, 10730 - знаходзіліся ў цёмны час сутак без святлоадбіўных элементаў. 5448 вадзіцеляў прыцягнуты да адміністрацыйнай адказнасці за не прадастаўленне перавагі пешаходам на пешаходных пераходах.
Паважаныя кіроўцы!
Пры набліжэнні да пешаходнага пераходу трэба загадзя знізіць хуткасць, аж да прыпынку, павысіць увагу, ацаніць умовы бачнасці і агляду. Неабходна прапусціць пешаходаў, якія пачынаюць або завяршаюць пераход.
Паважаныя пешаходы!
У сваю чаргу перад пачаткам пераходу пераканайцеся, што выхад на праезную частку дарогі бяспечны. Неабходна спыніцца каля краю праезнай часткі, паглядзець па баках, пераканацца, што вадзіцелі вас заўважылі, паспелі спыніць транспартныя сродкі і толькі тады пачынаць пераходзіць дарогу. Пры пераходзе праезнай часткі не размаўляйце па мабільным тэлефоне, адключайце навушнікі, малалетніх дзяцей бярыце за руку.
Дзяржаўтаінспекцыя звяртаецца да ўсіх удзельнікаў дарожнага руху: калі вы бачыце паблізу праезнай часткі пешахода (веласіпедыста), які знаходзіцца з характэрнымі прыкметамі ап'янення, што відавочна ўяўляе небяспеку для руху, просім вас неадкладна паведамляць у дзяжурную частку ДАІ Мінскай вобласці па тэлефоне 4-2 44, альбо на тэлефонную лінію 102.
УДАІ УУС Мінскага аблвыканкама
