7 кастрычніка было адзначана адным з першых афіцыйных стартаў для падрастаючага пакалення лёгкаатлетаў - Першынствам Мінскай вобласці па лёгкаатлетычных бягах і кіданнях. У г.Мінск з Крупскага раёна прыехала больш за 25 юных спартсменаў, прадстаўленых як больш вопытнымі юнакамі, якія не раз выступалі ў абласных спаборніцтвах, так і пачынаючымі, для якіх удзел у афіцыйных спаборніцтвах быў першым вопытам. І калі для адных галоўнай задачай было выкананне і павышэнне спартыўных разрадаў, то больш вопытныя хлопцы ехалі з цвёрдай рашучасцю максімальна рэалізаваць сябе і паказаць, наколькі яны прыраслі ў выніках пасля летняга перапынку.
Найбольш паспяхова выступіла спартсменка-навучэнка Крупскай ДЮСШ, вучаніца Крупскай раённай гімназіі Краўчанка Вераніка. Упэўнена прабегшы ў папярэднім забегу ў бегу на 60 метраў, Вераніка не пакінула не адзінага шанцу сваім апанентам у фінале, дзе ёй, дарэчы, не хапіла ўсяго толькі чатыры сотыя да выканання нарматыву Кандыдата ў майстры спорту! Пасля ідэальнага бегу на самай кароткай дыстанцыі Вераніка выйшла на старт у бегу на 300 метраў, дзе паўтарыла свой поспех, фінішаваўшы таксама першай!
НА ФОТА: Краўчанка Вераніка (другая бегавая дарожка) рыхтуецца да старту фінальнага забегу на 60 метраў.
Па выніках выступу ва ўсіх відах праграмы хлопцы з Крупскага раёна здолелі годна паказаць сябе і заваяваць сем прызавых месцаў. Таксама прызёрамі ў гэтых спаборніцтвах сталі:
Кухарэнка Станіслаў – другое месца ў бегу на 1000 метраў, Кандраценка Інэса і Грышанкова Анастасія таксама сталі сярэбранымі прызёрамі ў бегу на 600 метраў, Інэса - сярод старэйшых дзяўчат 2007-2008 года, а Насця сярод малодшых 2009-2010 гадоў нараджэння. Садоўскі Мікіта паўтарыў поспех сваіх напарнікаў па камандзе і скончыў фінальны забег на дыстанцыі 300 метраў на другой пазіцыі. Іванава Анастасiя паспрабавала свае сілы на нязвыклай для сябе дыстанцыі 300 метраў і таксама фінішавала на другой пазіцыі.
Наступным прынцыпова важным стартам было выступленне на Чэмпіянаце і першынстве Мінскай вобласці па лёгкаатлетычным кросе, які на гэты раз адбыўся 14 кастрычніка ў г.Салігорску.
Дадзеныя спаборніцтвы традыцыйна з'яўляюцца адным з наймацнейшых, як мінімум, па напале каманднай барацьбы, стартаў, дзе выступ кожнага са спартсменаў можа вырашыць зыход каманднага першынства. Менавіта так адбылося на гэтых спаборніцтвах. Паспяхова пачаўшы камандную гонку з перамогі Івановай Анастасіі і бронзавага медаля Кандраценкі Інэсы ў бегу на 1 кіламетр, працягнуў поспех Кухарэнка Станіслаў, упэўнена фінішаваўшы на другой пазіцыі сярод юнакоў на дыстанцыі 1 кіламетр. У юніёрскім узросце сярэбраную ўзнагароду на дыстанцыі 4 кіламетры заваяваў Касцюкевіч Максім, а на аналагічнай дыстанцыі сярод жанчын бронзавай узнагароды была ўдастоена Суханава Надзея. Па выніку большасці забегаў, прынцыповыя сапернікі, каманды Крупскага і Маладзечанскага раёнаў ішлі прыблізна з аднолькавай колькасцю ачкоў. Вызначальным стаў забег сярод дзяўчат маладзёжнага ўзросту, дзе адна з бягучых, якія прадстаўляюць Крупскі раён, была вымушана сысці з дыстанцыі ў сувязі з мышачным спазмам. Згодна з правіламі спаборніцтваў, удзельнікі, якія не фінішавалі ў сваіх дыстанцыях, не прыносяць заліковых ачкоў у скарбонку каманды. Як вынік, камандзе Крупскага раёна не хапіла 3 ачкоў, каб выйсці пераможцам з гэтых спаборніцтваў. У каманднай барацьбе сярод 19 каманд Мінскай вобласці прызавыя месцы размясціліся наступным чынам: Маладзечанскі раён - 1-е месца (319 ачкоў); Крупскі раён - 2-е месца (316 ачкоў); Мінскі раёна - 3-е месца (197 ачкоў).
НА ФОТА: Зборная каманда КРУПСКАГА РАЁНА – СЯРЭБНЫ ПРЫЗЁР Чэмпіянату і першынства Мінскай вобласці па лёгкаатлетычным кросе.
Разам з тым, нягледзячы на прыкры пройгрыш першаму месцу, больш за палову складу каманды Крупскага раёна, а менавіта дзевяць чалавек, трапілі ў зборную каманду Мінскай вобласці і прадставяць наш рэгіён на фінальных рэспубліканскіх спаборніцтвах па лёгкаатлетычным кросе, які адбудзецца 4-5 лістапада. у г.Гродна.
Будзем спадзявацца, маючыя адбыцца спаборніцтвы стануць яшчэ больш паспяховымі, як для спартсменаў і трэнераў, так і для ўсіх неабыякавых аглядальнікаў, якія будуць сачыць за спартыўнымі поспехамі Крупскага раёна.
