Сёння на кабіне працаўніка "загарэлася" Зорка перадавіка вытворчасці. Старшыня Крупскага райвыканкама Анатоль Козел падзякаваў хлебаробу за дасягнуты вынік. Адзначыў, што гэта вынік шматгадовай працы (а ў сельскай гаспадарцы Вадзім Глінчык ужо 31 год), адданасці справе і, мяркуючы па ўсім, прытрымліванне добрай традыцыі. Кіроўцу-тысячніку - пажаданні далейшых поспехаў у справе.

Словы падзякі за працу і падарункі Вадзіму Глінчыку - ад старшыні Крупскага райкама прафсаюза работнікаў АПК Валянціны Козел.

– Дзякуй за ўвагу і цёплыя словы. На сёння на маім рахунку, як я даведаўся, ужо 1 100 тон адвезенага збожжа. Буду старацца і далей! – падзяліўся Вадзім Глінчык