Кошт газу для насельніцтва ў 2021 годзе, акрамя непасрэдна аб'ёму спажывання газу, залежаў ад наяўнасці ў жылым памяшканні прыбора індывідуальнага ўліку спажывання газу, ці прапісаны хто-небудзь у дадзеным жылым памяшканні, а таксама ад перыяду (летні або зімовы) і працэнта затрат, якія кампенсуюцца дзяржавай. У адпаведнасці з пастановай № 766 з 1 студзеня 2022 г. пры наяўнасці індывідуальных газавых ацяпляльных прыбораў і прыбора індывідуальнага ўліку расходу газу тарыф поўнай кампенсацыі эканамічна абгрунтаваных затрат устаноўлены ў памеры 0,5688 рубля за 1м3. Субсідзiруемы дзяржавай тарыф для дадзенай катэгорыі спажыўцоў складае:
- у ацяпляльны перыяд — 0,1494 рубля за 1м3;
- у летні перыяд - 0,5417 рубля за 1м3.
Звяртаем увагу, што з мэтай спрашчэння ажыццяўлення плацяжоў насельніцтвам у пераходны перыяд і спрашчэння адміністравання разлікаў з насельніцтвам за прыродны газ з 01 чэрвеня 2022 г. устанаўліваецца адзіны тарыф на паслугі газазабеспячэння без дыферэнцыяцыі цэн на ацяпляльны і летні перыяды ў памеры 0,1977 рубля за 1м3.
Гэты асераднёны тарыф разлічаны на падставе аналізу спажывання газу кантрольнымі групамі спажыўцоў у цэлым па рэспубліцы за некалькі гадавых перыядаў з улікам дыферэнцыяцыі і не прывядзе да росту затрат насельніцтва ў супастаўных умовах у параўнанні з раней дзейнiчаўшым парадкам.
