З пачатку бягучага года на аўтадарогах Мінскай вобласці адбылося 48 ДТЗ, у якіх 9 чалавек загінулі і 61 - атрымаў цялесныя пашкоджанні рознай ступені цяжкасці.
Асноўнымі прычынамі ДТЗ сталі наступныя найбольш распаўсюджаныя парушэнні Правілаў дарожнага руху: перавышэнне ўстаноўленай хуткасці руху; парушэнне ПДР пешаходамі; парушэнне правілаў праезду пешаходных пераходаў; выезд на паласу сустрэчнага руху; парушэнне правілаў манеўравання; без права кіравання, кіраванне ТС вадзіцелямі ў нецвярозым стане.
Асноўнымі прычынамі дарожна-транспартных здарэнняў з удзелам пешаходаў і веласіпедыстаў з'яўляюцца ігнараванне Правілаў дарожнага руху, адсутнасць у цёмны час сутак святловяртальных элементаў на адзенні названай катэгорыі, пагаршае сітуацыю такіх парушэнняў і знаходжанне на праезнай частцы ў стане ап'янення.
2 студзеня каля 18:00 гадзін на 5-м км аўтадарогі Н-8463 «Клецк-Полаўковічы-Дубейкі» Клецкага раёна, кіроўца, 1975 г.н., рухаючыся на аўтамабілі «Сітраен С4», здзейсніла наезд на ляжачага на праезнай частцы дарогі веласiпедыста, 1971 г.н., мясцовага жыхара. Мужчына ад атрыманых траўм памёр на месцы здарэння. Устаноўлена, што веласіпед быў абазначаны святлоадбіўным элементам чырвонага колеру, а яго гаспадар не быў абазначаны святлоадбіўнымі элементамі.
9 студзеня каля 3 гадзін ночы на 17-м км аўтадарогі Р-23 «Мінск-Мікашэвічы» Мінскага раёна, вадзіцель, 1991 г.н., рухаючыся на аўтамабілі «Аўдзі А3» з боку г. Мінска ў напрамку г. Слуцка, учыніла наезд на пешахода, 1977 г.н., які перасякаў праезную частку дарогі. Мужчына ад атрыманых траўм памёр на месцы здарэння. Вядома, што пешаход не быў абазначаны святлоадбіўнымі элементамі.
Нажаль, падобныя факты здарэнняў вельмі частыя. Дарога не даруе безадказных паводзінаў на ёй, асабліва ў стане алкагольнага ап'янення. Небяспечныя дзеянні такіх пешаходаў на дарозе і паблізу ад яе нікога не павінны пакідаць абыякавым.
Паважаныя ўдзельнікі дарожнага руху! Калі вы бачыце паблізу праезнай часткі пешахода або веласіпедыста, які знаходзіцца з прыкметамі ап'янення, які відавочна ўяўляе небяспеку для руху, або неабазначаных святлоадбівальнымі элементамі, просім вас неадкладна паведаміць на тэлефонную лінію 102 у тэрытарыяльныя АУС і па вашай інфармацыі будуць прыняты адпаведныя меры рэагавання.
Згодна з Кодэксам аб адміністрацыйных правапарушэннях Беларусі:
«…у дачыненні да пешахода, які ў цёмны час сутак рухаецца па праезнай частцы, не пазначыўшы сябе флікерам, прымяняюцца штрафныя санкцыі ў памеры ад 1 да 3 базавых велічынь або папярэджанне. Калі парушэнне ім Правілаў дарожнага руху прывяло да стварэння аварыйнай сітуацыі, то памер штрафу складае ад 3 да 8 базавых велічынь. На суму ад 3 да 5 базавых велічынь штрафуецца пешаход, калі ён знаходзіцца на дарозе ў стане алкагольнага ап'янення».
Акрамя таго, адной з прычын траўміравання пешаходаў на дарогах - з'яўляецца недысцыплінаванасць вадзіцеляў і невыкананне патрабаванняў Правілаў у частцы праезду імі нерэгулюемых пешаходных пераходаў і прадастаўлення перавагі пешаходам.
12 студзеня каля 08:40 гадзін на вул. Будзёнага ў г. М.Горка Пухавіцкага раёна, вадзіцель 1944 г.н., рухаючыся на аўтамабілі «Кіа Рыа» ў напрамку вул. Кастрычніцкай, учыніў наезд на мясцовую жыхарку, 1966 г.н., якая пераходзіла праезную частку дарогі па нерэгулюемым пешаходным пераходзе. У выніку ДТЗ пешаход атрымала цялесныя пашкоджанні, але шпіталізацыя ёй не спатрэбілася.
Згодна з артыкулам 18.1 3 ч. 7 КоАП Рэспублікі Беларусь за невыкананне асобай, якая кіруе транспартным сродкам, патрабаванняў дарожных знакаў або разметкі, а роўна не прадастаўленне асобай, якая кіруе транспартным сродкам перавагі ў руху пешаходам надыходзіць адміністрацыйная адказнасць у выглядзе штрафу ў памеры ад 1 да 5 базавых велічынь.
У неспрыяльных умовах надвор'я і высокай інтэнсіўнасці руху, асабліва ў перадвыхадныя і выхадныя дні, любая памылка, няхай гэта будзе парушэнне правілаў абгону, манеўравання або хуткаснага рэжыму, незахаванне бяспечнай дыстанцыі да наперадзе ідучага аўтатранспарту, немінуча прыводзіла да няшчасных выпадкаў на дарозе.
7 студзеня каля 20:40 на 39 км аўтадарогі М-3 «Мінск-Віцебск» у Лагойскім раёне вадзіцель, 1960 г.н., рухаючыся на аўтамабілі «Аўдзі А6» у напрамку г. Віцебска, не справіўся з кіраваннем, дапусціў занос аўтамашыны, з'ехаў у кювет і здзейсніў наезд на бетонную вадасцёкавую трубу. У выніку ДТЗ вадзіцель ад атрыманых траўм памёр у рэанімацыйным аддзяленні бальніцы.
19 студзеня каля 09:20 на тэрыторыі Барысаўскага раёна на 450 кіламетры аўтадарогі М1 «Брэст - Мінск - мяжа Расійскай Федэрацыі», недалёка ад павароту на станцыю «Навасады» 62-гадовы жыхар г. Бабруйска, рухаючыся на фуры ДАФ з паўпрычэпам, не ўлічыў пагодныя ўмовы, няправільна абраў бяспечную хуткасць руху, дапусціў занос і з'езд на раздзяляльную паласу, дзе здзейсніў наезд на бар'ерную агароджу дарогі. Кіроўца атрымаў цялесныя пашкоджанні..
Упраўленне транспартам у стане алкагольнага ап'янення адно з самых грубых парушэнняў Правілаў дарожнага руху. Па статыстыцы за пятніцу і выхадныя дні ўзрастае колькасць нецвярозых вадзіцеляў. Дарэчы, за 12 месяцаў мінулага года на тэрыторыі вобласці вартавымі дарог затрымана 3399 вадзіцеляў у стане ап'янення. За мінулы год па віне нецвярозых вадзіцеляў адбылося 55 ДТЗ.
Згодна з арт.18.15 Кодэкса аб адміністрацыйных правапарушэннях Рэспублікі Беларусь, прадугледжана градацыя алкагольнага ап'янення вадзіцеля. Калі алкагольнае ап'яненне складае да 0,8 праміле ўключна - правапарушальнік пазбаўляецца вадзіцельскага пасведчання тэрмінам на 3 гады, таксама давядзецца заплаціць і штраф 100 базавых велічынь, калі больш за 0,8 праміле - пазбаўленне правоў тэрмінам на 5 гадоў і штраф у 200 базавых велічынь.
За паўторнае кіраванне ў стане алкагольнага ап'янення на працягу года правапарушальнік прыцягваецца да крымінальнай адказнасці, пры гэтым прадугледжана спецыяльная канфіскацыя транспартнага сродка, якім кіравалі ў стане ап'янення, незалежна ад права ўласнасці.
Таксама нараўне з грубымі правапарушэннямі з'яўляецца кіраванне транспартам, не маючы на гэта правы.
7 студзеня каля 15.20 на 30 км аўтадарогі «Старобін-Скаўшын-Сосны» ў Салігорскім раёне кіроўца, 1975 г.н., не маючы права кіравання транспартным сродкам, тым не менш, рухаючыся на аўтамабілі «Фальксваген Пасат», пры павароце налева, не саступіў дарогу кіроўцу аўтамабіля «Аўдзі А6», 1992 г.н., якая рухалася ў сустрэчным напрамку. У выніку аўтааварыі непаўналетні пасажыр, 2014 г.н., аўтамабіля «Фольксваген Пасат» з атрыманымі траўмамі шпіталізаваны, сам кіроўца аўтамабіля атрымаў цялесныя пашкоджанні, але не шпіталізаваўся. Кіроўца аўтамабіля «Аўдзі А6» не пацярпела. Вядома, што непаўналетні пасажыр знаходзіўся ў аўтамабілі на пярэднім сядзенні без спецыяльнай дзіцячай утрымліваючай прылады і не быў прышпілены рамянём бяспекі!
Дзяржаўтаінспекцыя Мінскай вобласці нагадвае, што згодна з арт. 18. 14 КоАП Рэспублікі Беларусь за кіраванне транспартным сродкам асобай, якая не мае права кіравання гэтым сродкам, а таксама перадачу кіравання транспартным сродкам асобе, якая не мае права кіравання, прадугледжаны штраф у памеры ад 5 да 20 БВ.
Тыя ж дзеянні, учыненыя паўторна на працягу года, прыводзяць да накладання штрафу ад 20 да 50 БВ або адміністрацыйны арышт да 15 сутак, або грамадскія працы.
Паважаныя грамадзяне! Калі вы бачыце ці ведаеце, што транспартным сродкам кіруе вадзіцель з прыкметамі ап'янення, або не маючы права кіравання транспартным сродкам - паведаміце ў дзяжурную частку ДАІ па тэлефоне 102 (званок бясплатны).
З пачатку года на тэрыторыі Мінскай вобласці адбылося 4 ДТЗ з удзелам непаўналетніх, у якіх 4 дзяцей пацярпелі, прычым усе пасажыры. У двух здарэннях непаўналетнія пасажыры не былі прышпілены рамянямі бяспекі або не знаходзіліся ў аўтакрэслах (у залежнасці ўзросту).
Калі прааналізаваць мінулы год, то ўсяго на тэрыторыі вобласці адбылося 80 ДТЗ, у якіх 2 дзіцяці загінулі, 89 - атрымалі траўмы рознай ступені цяжкасці. І зноў у большай ступені з гэтай колькасці дзяцей - пацярпелі дзеці-пасажыры!
Паважаныя кіроўцы! Ад сітуацыі, якая раптоўна можа ўзнікнуць, на дарозе не застрахаваны ніхто. Паклапаціцеся аб сваіх пасажырах! Перавозьце дзяцей толькі ў спецыяльных утрымліваючых прыладах. Не забывайце іх пры гэтым прыфастрыгоўваць рамянём бяспекі!
Рэкамендацыі па бяспецы дарожнага руху
Як правіла, прычына аварый зімой - пагаршэнне счаплення колаў аўтамабіля з паверхняй дарогі. Асноўныя памылкі вадзіцеляў пры яздзе па заснежанай ці абледзянелай дарозе з'яўляюцца няправільны выбар хуткасці і рэзкае тармажэнне.
Не менш сур'ёзнага стаўлення патрабуе захаванне дыстанцыі да наперадзе iдучага аўтамабіля. Толькі прадбачліва вытрыманая дыстанцыя дапаможа кіроўцу пазбегнуць аварыйнай сітуацыі.
Дадатковая небяспека - гэта заносы, верагоднасць якіх павялічваецца на дарогах з неаднародным пакрыццём або ў зоне гурбаў. У такіх месцах руль неабходна трымаць дужа, і ў выпадку ўзнікнення падобнай сітуацыі звярнуць руль у бок намеці.
Лішняй увагі і акуратнасці патрабуюць участкі дарог з пешаходнымі пераходамі. З-за снегападу ў пешаходаў, як і ў вадзіцеляў, абмежавана бачнасць. Пешаход можа не ўбачыць аўтамабіль, ды і ў дрэннае надвор'е ў машыны зусім іншыя магчымасці. Таму, засяроджанасць, зніжэнне хуткасці і плыўнае тармажэнне – неабходныя дзеянні вадзіцеляў перад пешаходнымі пераходамі.
Пешаходы таксама павінны паклапаціцца аб сваёй бяспецы і быць вельмі ўважлівымі пры пераходзе праезнай часткі. Перад пачаткам пераходу абавязкова спыніцца, упэўніцца ў тым, што вадзіцелі транспартных сродкаў вас бачаць і гатовы прапусціць. Важна памятаць, што падчас снегападу і ўжо ўзнiкшай наледзі на дарогах аўтамабіль не зможа хутка спыніцца.
Яшчэ адзін важны момант! Дзяржаўтаінспекцыя Мінскай вобласці не раз звярталася да вадзіцеляў з рэкамендацыяй аб тым, што ў выпадку паломкі аўтамабіля на праезнай частцы, вадзіцелі ў мэтах сваёй бяспекі абавязаны:
- уключыць аварыйную светлавую сігналізацыю і габарытныя агні (у цёмны час сутак);
- прыняць меры для вызвалення праезнай часткі, у выпадку, калі аўтамабіль не прадставілася магчымым прыбраць, то неадкладна выставіць знак аварыйнага прыпынку (у населеным пункце - не менш за 15м, па-за населеным пунктам - не менш за 40м;
- калі прыпынак адбыўся ва ўмовах дрэннай бачнасці або ў цёмны час сутак вадзіцелі абавязаны надзець камізэльку павышанай бачнасці;
- калі ў транспартным сродку знаходзяцца пасажыры, іх неабходна вывесці ў бяспечнае месца;
- звярнуцца ў спецыяльныя службы па эвакуацыі транспартнага сродку.
Таксама рэкамендуем аўтамабілістам ва ўмовах дрэннай бачнасці рухацца з асаблівай асцярожнасцю, не перавышаць хуткасць, не парушаць правілы абгону, выконваць дыстанцыю і ўвесь час кантраляваць сітуацыю на дарозе.
ДАІ Мінскай вобласці настойліва рэкамендуе ўсім удзельнікам дарожнага руху выконваць правілы дарожнага руху, быць уважлівымі і адказнымі як да сябе, так і да іншых удзельнікаў!
25.01.2022 УДАІ УУС Мінскага аблвыканкама
