Прывітаў удзельнікаў дыялогу Анатоль Козел. Ён падкрэсліў, што маючы адбыцца рэферэндум - знакавая падзея для краіны. І зазначыў, што беларускае грамадства нацэлена на канструктыўнае абмеркаванне навацый. У Крупках гэта праходзіць вельмі актыўна. Ён запрасіў усіх уважліва ўнікнуць у сутнасць змен і выказаць сваё меркаванне. Ягор Макарэвіч, старшыня Маладзёжнага парламента пры Нацыянальным сходзе Рэспублікі Беларусь, член канстытуцыйнай камісіі на дыялогавай пляцоўцы прэзентаваў партрэт Беларускай дзяржавы ў доўгатэрміновай перспектыве. У праекце Канстытуцыі ўзмацняецца дзяржаўнасць і замацоўваюцца новыя сацыяльныя гарантыі. Па меркаванні спікера, гэта мадэль будзе працаваць з высокай эфектыўнасцю. Ён адзначыў, што сацыяльныя гарантыі магчымы толькі пры выразным функцыянаванні дзяржавы.

Мікалай Шчокін, загадчык аддзела сацыялогіі дзяржаўнага кіравання Інстытута сацыялогіі НАН, кандыдат філасофскіх навук, дацэнт на дыялогавай пляцоўцы ў Крупках адзначыў, што праект абноўленай Канстытуцыі прасякнуты гістарычнай памяццю. Сярод іншых важных навацый ён адзначыў узмацненне адказнасці бацькоў за сваіх дзяцей, мірную атамную энергетыку, захаванне культурнай спадчыны. "Важна, што ўпершыню ў Канстытуцыю ўпісаны гарантыі для інвалідаў. Гэта сведчыць аб узмацненні сацыяльнага складніка дзяржаўнай палітыкі".

"Усебеларускі народны сход - механізм для сацыяльных ліфтаў, фарміравання спрыяльнага асяроддзя ў грамадстве для развіцця чалавечага патэнцыялу. Важна, каб былі ініцыятывы знізу. УНС - важнейшы інстытут народаўладдзя. Мы самі будзем выбіраць годных людзей, якія будуць вырашаць важнейшыя пытанні развіцця краіны ", – адзначыў Мікалай Шчокін.