- Выслухаем усе вашы пытанні і праблемы. Нешта вырашым на месцы, штосцi возьмем на кантроль. Гэта значыць, правядзем спакойны і адкрыты дыялог.
Вяскоўцаў хвалююць многія моманты: адсутнасць у вёсцы крамы і асартымент тавару ў аўтакраме, абкоска пустых дамоў, ліхтары на вуліцах не гараць, смецце несвоечасова вывозяць. Звярнуліся з просьбай пабудаваць прыпынак, дзе дзеці маглі б чакаць школьны аўтобус.
Самае хвалюючае пытанне - праца аўталаўкі. Анатоль Козел адзначыў: «Разгледзім гэту праблему, прадумаем усё варыянты».
А таксама падкрэсліў, у бліжэйшы час вырашыцца пытанне з абкоскай. На прапанову кіраўніка раёна сабрацца і правесці суботнік па навядзенні парадку ў вёсцы вяскоўцы адгукнуліся ахвотна. Галоўнае - каб арганізатар добры быў.
