За 5 месяцаў гэтага года на тэрыторыі Мінскай вобласці па ўказаных прычынах адбылося 7 дарожна-транспартных здарэнняў, у выніку якіх 1 чалавек загінуў, 10 - атрымалі траўмы.
У ходзе мерапрыемства створаны рэйдавыя групы з ліку супрацоўнікаў ДАІ і іншых службаў міліцыі грамадскай бяспекі па спыненні парушэнняў вадзіцелямі правілаў абгону і манеўравання. Да ведама, з пачатку г.г. супрацоўнікамі ДАІ за дадзенае правапарушэнне прыцягнута да адміністрацыйнай адказнасці 1048 кіроўцаў. Таксама ў рамках мерапрыемства вартавыя дарог праводзяць тлумачальную працу ў працоўных калектывах, арганізацыях, сярод кiроўцаў асабістага аўтатранспарту на прадмет няўхільнага захавання ПДР, адміністрацыйнай адказнасці за парушэнне правілаў абгону, акцэнтуючы ўвагу на наступствах ДТЗ па вышэйпаказанай прычыне.
ДАІ нагадвае! Адміністрацыйная адказнасць па ч.9 арт.18.13 КоАП Рэспублікі Беларусь, за парушэнне асобай, якая кіравала транспартным сродкам, правілаў абгону альбо выезд на паласу сустрэчнага руху ў выпадках, калі гэта забаронена правіламі дарожнага руху, цягнуць накладанне штрафу ў памеры ад 2 да 10 б.в. з пазбаўленнем права кіравання транспартнымі сродкамі тэрмінам да 1 года або без пазбаўлення.
Абгон - самы небяспечны від манеўру на загарадных дарогах. Паважаныя вадзіцелі, як бы вы не спяшаліся, ні ў якім разе нельга здзяйсняць абгон з правага боку па абочыне, нават калі яна вольная ад машын і людзей і добра праглядаецца. Вельмі часта ямы, выбоіны і староннія прадметы становяцца прычынай змены кірунку руху, сутыкнення з абганяемым аўтамабілем і «выцясненнем» яго на паласу сустрэчнага руху.
Не рызыкуйце ісці на абгон, калі абмежавана бачнасць, напрыклад, з-за ўздыму, неспрыяльных умоў надвор'я. Варта таксама памятаць, што пры абгоне ці сустрэчным раз'ездзе за транспартным сродкам утворыцца шлейф вадзянога пылу з брудам, якi асядаючы на лабавым шкле, пагаршае бачнасць і некалькі секунд даводзіцца рухацца «ўсляпую».
Дарожны знак 3.20.1. «Абгон забаронены» і «суцэльная» лінія разметкі прысутнічаюць на дарозе нездарма і кажуць аб небяспецы здзяйснення абгону!
Таму рэкамендуем кіроўцам пры руху правільна ацэньваць становішча, выбіраць бяспечную хуткасць, пастаянна праяўляць асцярожнасць і павышаную ўвагу за рулём, таксама быць вельмі асцярожнымі асабліва ў цёмны час сутак, калі найбольш верагодны наезд на пешаходаў.
Паважаныя вадзіцелі! Абдумвайце кожны свой манеўр, і перш чым рабіць абгон - неаднаразова пераканайцеся ў яго бяспецы, асабліва цяпер, калi ўсталявалася гарачае надвор'е».
19.03.2021 года каля 19.40 гадзін кіроўца Макей Н.М., 1971 года нараджэння, кіруючы аўтамашынай «Фольксваген Джэта» рэгістрацыйны знак 9949ОС-7, рухаючыся на 25 км аўтадарогі «Крупкі-Халапенічы» у накірунку г.п.Халапенiчы, на ўздыме прамога ўчастка дарогі, пры наяўнасці дарожнай разметкі 1.1 перад пачаткам абгону рухаўшайся ў спадарожным напрамку легкавой аўтамашыны, не пераканалася ў тым, што паласа руху, на якую яна мае намер выехаць, вольная, у выніку чаго здзейсніла лабавое сутыкненне з рухаўшайся ў сустрэчным кірунку аўтамашынай «ВАЗ 2109» рэгістрацыйны знак 9533КХ-5.
У выніку ДТЗ, двое кіроўцаў і адзін пасажыр атрымалі цялесныя пашкоджанні з якімі былі шпіталізаваны ва УАЗ «Крупская ЦРБ».
УДАІ УУС Мінаблвыканкама
