Дадзены старт з'яўляецца адным з найбольш важных камандных спаборніцтваў сярод спартыўных школ, таму ў спаборніцтвах узялі ўдзел больш за 15 каманд з розных раёнаў нашай вобласці. Па выніках абласной спартакіяды спартыўныя школы, якія трапляюць у тройку прызёраў у камандный барацьбе, атрымліваюць права прыняць удзел у спартакіядзе ДЮСШ, СДЮШАР Рэспублікі Беларусь за кошт Міністэрства спорту і турызму.
Камандныя вынікі лічыліся зыходзячы з асабістых вынікаў удзельнікаў: за 1 месца налічваюцца 8 ачкоў, за 2-е - сем і г.д... 8-е месца давала - 1 ачко, таму было прынцыпова важна трапляць у 8-ку мацнейшых у асабістых відах праграмы.
Саперніцтва разгарнулася не жартоўнае, што найбольш ярка адлюстравана ў камандных выніках. Па выніках спаборніцтваў першае месца з вынікам 90 ачкоў заняла каманда Маладзечанскай ДЮСШ №3 г.Маладзечна. Набраўшы такую ж колькасць ачкоў, але саступіўшы па колькасці заваяваных першых месцаў у асабістым заліку, другое месца заняла каманда Чэрвенскай СДЮШАР, і, нарэшце, набраўшы 88 ачкоў трэцяе месца літаральна «вырвала» каманда Крупскай ДЮСШ! Чацвёртае месца з вынікам 87 ачкоў у каманды Уздзенскай ДЮСШ, а пяцёрку наймацнейшых спартыўных школ замкнула каманда Вілейскай СДЮШАР з вынікам 83 ачкі.
Такім чынам, каманда Крупскай ДЮСШ у трэці раз заваявала права паспаборнічаць з наймацнейшымі ДЮСШ, СДЮШАР нашай краіны!
Пераможцамі і прызёрамі ў асабістым першынстве сталі:
Іванова Анастасія (Бобрскi КПК - сад СШ) - 1 месца ў бегу на 400 і 800 метраў; Гардзіевіч Данііл (Бобрскi КПК - сад СШ) - 1 месца на 1500 і 3000 метраў; Буронышава Анастасія (Плешчаніцкая СШ-ВАР) - 1 месца на 200, 2 месца на 100 метраў; Шевялёў Арцём (СШ №3 г.Крупкі) - 2 месца на 100 метраў, 3-е месца ў скачках у даўжыню; Кандраценка Інэса (СШ №3 г.Крупкі) - 2 месца на 3000, 3 месца на 1500 метраў; Кухарэнка Станіслаў (Халапеніцкая СШ) - 3 месца ў бегу на 400 метраў; Краўчанка Вераніка (Крупская р-ная Гімназія) - 3 месца ў бегу на 200 метраў; 1-е месца ў эстафеце 4х100 метраў у юнакоў (Шевялёў, Рубін, Гардзіевіч, Кухарэнка).
пасільны ўклад у каманднай барацьбе за бронзу ўнеслі:
Лысакоўскі Глеб ((Крупская р-ная гімназія), Хацкевіч Ксенія (СШ №3 г.Крупкі), Войніч Таццяна (СШ №3 г.Крупкі), Рубін Дзяніс (Халапеніцкая СШ).
Паралельна з дзіцяча-юнацкімі спаборніцтвамі праходзіў і дарослы Кубак Мінскай вобласці па лёгкай атлетыцы, у якім бралі ўдзел дарослыя спартсмены.
прызёраў дадзеных спаборніцтваў сталі: Камароўская Анастасія - 1 месца ў бегу на 400 і 800 метраў; Карань Ілля - 1 месца ў бегу на 1500 і 3000 метраў; Камароўскі Яўген - 1 месца ў бегу на 5000 метраў, Суханава Надзея - 1 месца ў бегу на 5000 метраў.
Па выніках каманднай барацьбы каманда Крупскага раёна заняла таксама 3-е агульнакаманднае месца, саступіўшы камандам Маладзечанскага і Уздзенскага раёнаў.
На ФОТА: Каманда ГСУСУ «Крупскі ДЮСШ» - бронзавы прызёр
Спартакіяды ДЮСШ, СДЮШАР Мінскай вобласці сярод юнакоў, дзяўчат 2006-2007 г.г.р.
