Э.Лунд
Сёння ў Крупскім гарнізоне адбыўся ўрачысты сход, прымеркаваны да прафесійнага свята Дня ратавальнікаў. У вузкім коле лепшыя з лепшых атрымалі свае ўзнагароды - граматы, падзякі, нагрудныя знакі - з рук старшыні Крупскага райвыканкама Анатоля Козела і начальніка Крупскага РАНС Дзмітрыя Тура.
Сёння па-асабліваму гучалі словы віншаванняў і ўдзячнасці за доблесную службу, за ўзорнае выкананне службовых абавязкаў, дасягненне высокіх вынікаў у службовай дзейнасці, а самае галоўнае - за прафесіяналізм і граматныя дзеянні па выратаванні жыцця людзей.
- Адказная і важная праца ратавальнікаў. Яна патрабуе асабістай мужнасці, самаахвярнасці, высокага прафесіяналізму. Таму заслухоўвае самай высокай павагі, - падкрэсліў Анатоль Станіслававіч, старшыня Крупскага РВК. - Вы, рызыкуючы ўласным жыццём, прыходзьце на дапамогу. Вы імгненна ацэньваеце абстаноўку і прымаеце рашэнні, бо на коне стаіць чалавечае жыццё. І ў будні, і ў святы, вы заўсёды на пасадзе. Вы заўсёды там, дзе людзям патрэбна дапамога.
У такую хвіліну пачуццё гонару перапаўняе калег і ветэранаў службы. Ты разумееш, што ратавальнік - гэта пакліканне кожнага з прысутных. Гэта брацтва аб'яднала тых, хто гатовы ахвяраваць сваім жыццём дзеля жыцця зусім незнаёмага чалавека, не раздумваючы кінуцца ў палонку або падпалены будынак. Сёння ты проста мужчына, а заўтра ўжо герой!
Ганаровае месца на мерапрыемстве занялі ветэраны АПЧС райаддзела. Яны, як і раней, поўныя жыццёвай энергіі, а галоўнае - неацэннага досведу, якім дзеляцца штодня з маладым пакаленнем. З цёплымі віншаваннем выступіў старшыня ветэранскай арганізацыі «Ратавальнік» Віктар Леанідавіч Кухлеўскі:
- Сення 19 студзеня - Дзень ратавальніка і вялікае праваслаўнае свята Вадохрышча. Ваша штодзённая праца поўна рызыкі. Але ў вашых сэрцах гарыць жыватворны агонь, які штурхае ратавальнікаў на подзвіг... Таму што ёсць такая прафесія - ратаваць, нават коштам уласнага жыцця. Няхай Бог вас беражэ! Усім здароўя, а тым, хто на пасадзе - сухіх рукавоў. Са святам!
Затым старшыня ветэранскай арганізацыі ўручыў ратавальнікам юбілейныя медалі «100 гадоў пажарнай ахове СССР» за актыўны ўдзел у працы ветэранскай арганізацыі, аказанне дапамогі ў вырашэнні надзённых праблем. Узнагарод удастоены ветэран АПЧС Старадубец Валерый Яўгенавіч, а таксама начальнік службы МТОiО Яўген Фiланенка і начальнік ПАВЧ-1 г.Крупкі Дзяніс Умінскі.
Ветэраны таксама атрымалі памятныя падарункі ад роднага аддзела з нагоды святкавання Дня ратавальніка Рэспублікі Беларусь.
