5-6 студзеня на спартыўнай арэне Рэспубліканскага цэнтра алімпійскай падрыхтоўкі па лёгкай атлетыцы ў г.Мінску з'ехаліся каманды з усіх куткоў Мінскай вобласці, з мэтай паспаборнічаць за права быць у ліку мацнейшых лёгкаатлетычных школ цэнтральнага рэгіёну. Згодна з палажэннем аб правядзенні спартакіяды ДЮСШ першыя тры каманды атрымліваюць права выступіць у Рэспубліканскай спартакіядзе дзіцяча-юнацкіх школ за кошт Міністэрства спорту і турызму Рэспублікі Беларусь і паспаборнічаць з моцнымі спартыўнымі школамі нашай краіны.
Маладыя спартсмены выступалі ў дзвюх узроставых катэгорыях: 2004-2005 і 2006-2007 гадоў нараджэння. Найбольшых поспехаў дасягнула малодшая ўзроставая група, за два дні яны заваявалі 10 прызавых месцаў.
Кухарэнка Станіслаў без асаблівых праблем перамог у бегу на 400 метраў і ва ўпартай барацьбе апынуўся трэцім у бегу на 800 метраў;
Шевялёў Арцём даволі ўпэўнена адбіраўся ў фіналы ў бегу на 60 і 200 метраў (на абласных і рэспубліканскіх стартах спаборніцтвы ў дадзеных відах праграмы праводзяцца ў два круга), аднак, у фінале яму не хапала дзесятых доляй секунды, каб святкаваць перамогу, як вынік - 2-е месца ў бегу на 60 метраў, 3-е месца ў бегу на 200 метраў.
Рубін Дзяніс, ня гледзячы на тое, што пачаў сур'ёзна займацца лёгкай атлетыкай крыху больш за 4 месяцы таму змог скласці сур'ёзную канкурэнцыю хлопцам з іншых рэгіёнаў, на 200 метраў ён магутным фінішным спуртам заваяваў 2-е месца , а на 60 метраў апынуўся чацвёртым, «прайграўшы грудзь» ў фінішных клетках.
Іванова Анастасія у сур'ёзнай канкурэнцыі з дзяўчатамі, якія навучаюцца ва вучылішчы алімпійскага рэзерву, здолела заваяваць бронзавую ўзнагароду ў бегу на 800 метраў.
Удала дэбютавалі на самых доўгіх бегавых відах праграмы ў 3000 метраў Кандраценка Інэса і Лысакоўскі Глеб - ў сваіх першых абласных спаборніцтвах яны заваявалі 2-iя месцы, цалкам годна завяршыўшы гэтыя ня простыя дыстанцыі.
Краўчанка Вераніка, малодшая за супернікаў на 1-2 гады, выступала ў спаборніцтвах для атрымання вопыту і змагла навязаць сур'ёзную канкурэнцыю: - адабраўшы ў фінал на 60 метраў з другім часам, на вялікі жаль, у фінальным забегу была дыскваліфікаваная за фальстарт. На дыстанцыі 200 метраў яна так жа без адмысловай працы адабралася ў фінал, аднак ва ўпартай барацьбе апынулася толькі пятай.
Таксама хлопцы вызначыліся у камандных эстафетах 600 + 400 + 200м.:
Юнакі: Кухарэнка-Рубін-Шевялёў - 1-е месца;
Дзяўчаты: Іванова-Ляшкова-Краўчанка - 2-е месца.
Усяго ў камандным першынстве малодшага ўзросту ўдзельнічала 14 каманд, а першая пяцёрка ў выніковым пратаколе размясцілася наступным чынам:
Уздзенская ДЮСШ - 83 ачкі;
Маладзечанская ДЮСШ - 79 ачкоў;
Крупская ДЮСШ - 78 ачкоў;
Чэрвеньская СДЮШАР - 75 ачкоў;
Слуцкая СДЮШАР - 74 ачкі.
Па выніках каманднай барацьбы Крупская ДЮСШ заваявала пуцёўку на Рэспубліканскую спартакіяду ДЮСШ і права змагацца з моцнымі спартыўнымі школамі нашай краіны.
Хлопцы 2004-2005 гадоў нараджэння ў асабістым першынстве таксама заваявалі прызавыя месцы:
Касцюкевічу Максіму не аказалася роўных у бегу на 800 і 1500 метраў - два першыя месцы.
Камароўская Таццяна спаборнічала ў бегу на 1500 і 3000 метраў і на абедзвюх дыстанцыях заваявала сярэбраныя ўзнагароды.
На фота: Камароўская Таццяна пераследуе лідэра ў бегу на 1500 метраў.
(фота - Вячаслаў Патыш)
Навуменка Таццяна ўпершыню ўдзельнічала ў абласных спаборніцтвах, аднак гэта не перашкодзіла ёй заваяваць 3-е месца ў бегу на 400 метраў.
У эстафетным бегу 600 + 400 + 200 метраў у дзяўчат (Камароўская, Навуменка, Фомава) - каманда Крупскай ДЮСШ апынулася пераможцам, юнакі (Касцюкевіч, Навіцкі, Грэбянёў) змаглі фінішаваць трэцімі.
На фота: каманда Крупскай ДЮСШ 2004-2005, 2006-2007 г.г.р.
