За 6 месяцаў на тэрыторыі Мінскай вобласці 57 ДТЗ учынілі вадзіцелі ў стане ап'янення, у выніку якіх 18 чалавек загінулі, 56 - атрымалі траўмы рознай ступені цяжкасці, ў параўнанні з аналагічным перыядам мінулага года назіраецца рост аўтааварый па названай прычыне.
За названы перыяд на тэрыторыі вобласці вартавымі дарог затрымана 1770 вадзіцеляў у стане ап'янення, з іх паўторна на працягу года выяўлена - 93 факты дадзенага правапарушэння, вадзіцелі прыцягнуты да крымінальнай адказнасці. Таксама зафіксавана 33 рэцыдыўных правапарушальніка, якія раней прыцягваліся да крымінальнай адказнасці за нецвярозае кіраванне. Ва ўсіх правапарушальнікаў канфіскавана 93 транспартных сродка ў даход дзяржавы, незалежна ад права ўласнасці.
З мэтай спынення фактаў кіравання транспартам у стане ап'янення, як адной з асноўных прычын ДТЗ з цяжкімі наступствамі ў перыяд з 17 па 20 ліпеня 2020 года Дзяржаўтаінспекцыя Мінскай вобласці праводзіць прафілактычную акцыю «Цвярозы кіроўца».
У ходзе мерапрыемства створаны рэйдавыя групы з ліку супрацоўнікаў ДАІ і іншых службаў міліцыі грамадскай бяспекі. Нясенне нарадаў міліцыі набліжана да месцаў размяшчэння аб'ектаў гандлю спіртнымі напоямі (кафэ, АЗС і інш.), асабліва ў вячэрні і начны час сутак.
ДАІ нагадвае!
У адпаведнасці з дзеючым заканадаўствам кожны кіроўца абавязаны ведаць, што за кіраванне транспартным сродкам у стане алкагольнага ап'янення, альбо перадачу права кіравання нецвярозаму, а таксама адмову ад праходжання агляду прадугледжваецца пакаранне ў выглядзе пазбаўлення права кіравання ўсімі відамі транспартных сродкаў тэрмінам на 3 гады і штрафам ад 50 да 100 базавых велічынь.
За паўторнае кіраванне ў стане алкагольнага ап'янення на працягу года правапарушальнік прыцягваецца да крымінальнай адказнасці, пры гэтым, прадугледжана спецыяльная канфіскацыя транспартнага сродку, якім кіравалі ў стане ап'янення, незалежна ад права ўласнасці.
УДАІ УУС Мiнаблвыканкама
