Смага хуткасці, недастатковыя навыкі ваджэння, нізкі ўзровень дысцыплінаванасці матацыклістаў, няспраўны стан мотасродка часцяком прыводзяць да бяды.
У сувязі з гэтым Дзяржаўтаінспекцыя Крупскага раёна нагадвае:
- удзельнічаць у дарожным руху на матацыкле дазваляецца з 16-гадовага ўзросту пры наяўнасці пасведчання кіроўцы катэгорыі «А». За кіраванне матацыклам, не маючы права кіравання, прадугледжаны штраф у памеры ад 5 да 20 базавых велічынь;
- матацыкл павінен быць зарэгістраваны ў ДАІ, тэхнічна спраўны. За кіраванне матацыклам, не зарэгістраваным ва ўстаноўленым парадку і не прайшоўшым дзяржаўнага тэхнічнага агляду, прадугледжаны штраф у памеры да 2 базавых велічынь;
- кіраваць мотатранспартам неабходна ў зашпіленым моташлеме і не перавозіць пасажыраў без яго, рухацца з пастаянна уключаным блізкім святлом фар. У адваротным выпадку прадугледжаны штраф да 1 базавай велічыні.
Таксама пажадана мець спецыяльную экіпіроўку, якая дазваляе пазбегнуць цялесных пашкоджанняў пры падзенні з матацыкла.
