У конкурсе могуць прыняць удзел грамадзяне, якія з'яўляюцца ўладальнікамі садовых, агародных, дачных і прысядзібных участкаў на тэрыторыі сельскай мясцовасці і ў прыватным сектары гарадской забудовы.
Удзельнікам неабходна прадставіць дызайн прыдамавой тэрыторыі ў стылі МНС. Дызайн двара павінен быць аформлены ў адпаведнасці з тэмай конкурсу. Пры стварэнні «бяспечнага ўчастка» рэкамендуецца ўсталяваць дэкаратыўныя элементы, кампазіцыі з каваных вырабаў для ландшафту, вырабы, вырабленыя сваімі рукамі. Таксама ўдзельнікі могуць абсталяваць свой арт-аб'ект, скульптуру малых формаў, дэкаратыўны элемент па тэматыцы бяспекі жыццядзейнасці.
Асобным абсталяваннем ўчастка можа стаць кветкавая кампазіцыя або аформлены кветнік у стылі МНС.
Такі нестандартны падыход да ландшафтных рашэнняў дазволіць прыцягнуць увагу жыхароў да фарміравання культуры бяспекі жыццядзейнасці. Бо працы ўдзельнікаў конкурсу не толькі ўпрыгожаць двары, але і ў чарговы раз нагадаюць нумары тэлефонаў экстраных службаў і правілы пажарнай бяспекі.
Конкурсныя работы (фота-, відэапрэзентацыі) прымаюцца да 20 ліпеня ўключна на электронную пошту Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду. з паметкай «Ландшафтны дызайн МНС». Таксама неабходна ўказаць назву работы, імя і прозвішча ўдзельніка конкурсу, кантактны тэлефон і E-mail, адрас пражывання.
На старонцы афіцыйнай групы «МНС Мінскай вобласці» ў сацыяльнай сетцы «Вконтакте» пройдзе адкрытае інтэрнэт-галасаванне на «Прыз глядацкіх сімпатый».
Па выніках конкурсу журы вызначыць трох пераможцаў, інфармацыя пра гэта будзе размешчана на сайце www.minobl.mchs.gov.by.
Пераможцы конкурсу атрымаюць дыпломы і каштоўныя падарункі ад арганізатараў конкурсу.
