Варта адзначыць, што з кожным годам колькасць удзельнікаў павялічваецца. Амаль 30 нумароў было прадстаўлена на суд прафесійнага журы, у склад якога ўвайшлі старшыня журы, вядомы беларускі кампазітар Дзмітрый Даўгалёў і намеснік старшыні прафсаюзнага камітэта ААТ "Газпрам трансгаз Беларусь" Леанід Граковіч. Журы ацэньвала канкурсантаў па некалькіх крытэрыях у розных намінацыях: вакал сола, фартэпіяна ансамбль, інструментальная музыка, акцёрскае мастацтва і іншыя. Мерапрыемства атрымалася яркім, маляўнічым і эмацыйным. Пераможцаў і ўдзельнікаў конкурсу ўзнагародзілі дыпломамі і памятнымі падарункамі, а ўсе прысутныя атрымалі велізарную колькасць станоўчых эмоцый.
