Сёння госці накіраваліся ў летні аздараўленчы лагер "Планета дзяцінства". Тут у рамках Дня бяспекі і спорту прайшла квэст-гульня "Шыфр 112". Надвор'е, як ніколі, выдалася ўдалым. Лакацыі размясціліся на тэрыторыі школы. Арганізацыйныя пытанні і 6 каманд выйшлі на старт ... "Ратавальнікі", "Іскра", "Вогнетушыцелі", "Пінгвіны", "Вавёркі" і "Знаўцы бяспекі" рухаліся згодна са сваімі маршрутнымі лістамі. Заданні не з лёгкіх. Каб прыйсці на станцыю, трэба разгадаць рэбус. Але і гэта яшчэ не ўсё. На лакацыі чакаюць выпрабаванні, якія прынясуць бонусныя балы. Заданні розныя - інтэлектуальныя і спартыўныя. Сёння цікава кожнаму.

І вось падвядзенне вынікаў: у цяжкай барацьбе пераможцамі сталі рабяты з 3 атрада "Апельсін». У ўзнагароду старшыня раённай арганізацыі РГА "Белая Русь" Ірына Шамашова ўручыла падарунак – баскетбольны мяч. Трохі саступілі пераможцам "Летуценнікі" з другога атрада. Іх прыз - настольныя гульні. З такімі падарункамі ад РГА "Белая Русь" лета будзе заўсёды бяспечным!