Інструктаж. Маршрутныя лісты на руках у капітанаў. Старт.

Аднак не ўсё так лёгка, як здавалася спачатку. У некаторых шыфроўкі выклікалі цяжкасці. А хто сказаў, што быць выратавальнікам лёгка? Неўзабаве сцяміўшы, каманды хутка рушылі на лакацыі: спартыўная, лясная, экіпіровачная, водная... у конкурсах трэба было прадэманстраваць не толькі веды ў галіне асноў бяспекі жыццядзейнасці, але і спрыт, шпаркасць. Крок за крокам, фініш ўсё бліжэй. І вось падвядзенне вынікаў. У цяжкай барацьбе з невялікім адрывам перамогу атрымала каманда «Выратавальнікі». Так і павінна быць, бо менавіта ратавальнікі ведаюць і ўмеюць усё, ад іх прафесіяналізму залежыць часам чыёсьці жыццё. Узнагароджанне. Фота на памяць. Да сустрэчы ў пажарнай частцы!