14 - 15 красавіка 2026 г. у Крупках праходзіць кірмаш вакансій для моладзі з удзелам прадстаўнікоў арганізацый і прадпрыемстваў. Наперадзе летнія канікулы, а ў школьнікаў і студэнтаў ёсць магчымасць правесці гэты час з карысцю. Першыя наведвальнікі кірмашу вакансій - навучэнцы ўстаноў адукацыі г.Крупкі.
– На партале дзяржаўнай службы занятасці заяўлены 62 вакансіі, у тым ліку для непаўналетніх – 31 вакансія, – расказвае галоўны спецыяліст сектара па занятасці ўпраўлення па працы, занятасці і сацыяльнай абароне райвыканкама Святлана Ерашэнка. - Працаўладкаванне для непаўналетніх прапануюць розныя сферы - сельская гаспадарка, ЖКГ, рэстаранная дзейнасць, дрэваапрацоўчая галіна, дарожныя службы, адукацыя, гандаль. Гэта дае магчымасць моладзі падабраць сабе працу з улікам пераваг, магчымасцей і стану здароўя. Працаўладкаванне непаўналетніх можа пачынацца з 14-ці гадоў. Абавязкова павінна быць згода бацькоў для прыёму на працу непаўналетнім ва ўзросце з 14 да 16 гадоў. Таксама за кошт сродкаў рэспубліканскага бюджэту плануецца працаўладкаванне непаўналетніх. Ва ўстановах адукацыі будуць працаваць брыгады для выканання пэўных відаў работ. Напрыклад, у перыяд вясновых канікулаў у трох установах адукацыі працавалі швейная брыгада і дзве брыгады, якія займаліся пікіроўкай раслін, рамонтам кніжнага фонду. Летам плануецца прадоўжыць гэту практыку - будуць працаваць швейныя, рамонтна-будаўнічыя брыгады.
Штогод у раёне працуюць студэнцкія атрады і карыстаюцца попытам у моладзі. Пра гэта расказала галоўны спецыяліст аддзела ідэалагічнай работы і па справах моладзі Людміла Куксіна. Яна адзначыла, што студэнцкія атрады працуюць па экалагічным і сельскагаспадарчым профілях. Перавагі працы ў студатрадах - гэта сумесная праца згуртаванай камандай, атмасфера нефармальных зносін, працоўны вопыт. Байцы студатрадаў вызваляюцца ад выплаты падаходнага падатку. У нашай краіне дзяржавай, Прэзідэнтам Рэспублікі Беларусь аказваецца вялікая падтрымка развіццю студатрадаўскага руху.
