Права перарэзаць традыцыйную чырвоную стужачку было прадастаўлена ганаровым гасцям: старшыні Мінскага аблвыканкама Аляксею Кушнарэнку, міністру энергетыкі Рэспублікі Беларусь Дзянісу Марозу, намесніку міністра энергетыкі Уладзіславу Доўгаму, генеральнаму дырэктару Дзяржаўнага вытворчага аб'яднання па паліве і газе вытворчага аб'яднання электраэнергетыкі "Белэнерга" Андрэю Панчанку, старшыні Крупскага райвыканкама Вячаславу Лапаткo і старшыні Беларускага прафсаюза работнікаў энергетыкі, газавай і паліўнай прамысловасці Аляксандру Краўчанку.

Арганізацыя выпуску фасаванага торфу і гатовых субстратаў - гэта не проста новая вытворчасць для прадпрыемства, а цэлы стратэгічны кірунак. Яно забяспечыць прадпрыемству комплекс пераваг, у першую чаргу, эканамічных. Гэты праект дасць магчымасць ажыццявіць пераход ад здабываючай галіны да перапрацоўчай і высокатэхналагічнай, што ў перспектыве павысіць прыбытак, умацуе пазіцыі на ўнутраным рынку і пашырыць геаграфію паставак прадукцыі, вырабленай у Беларусі.

Госці ацанілі абсталяванне новага прадпрыемства. Яго тэхналагічную аснову складае сучасны комплекс, які ўключае прэс аб'ёмам 6 куб. м для прасавання торфу, лінію сепарацыі і транспартную галерэю, якая забяспечвае бесперапынную падачу і перамяшчэнне сыравіны.

Адным з самых сімвалічных момантаў стала падпісанне першых экспартных кантрактаў з партнёрамі з Кітайскай Народнай Рэспублікі і Рэспублікі Узбекістан. Гэта падзея наглядна прадэманстравала высокую міжнародную цікавасць да прадукцыі прадпрыемства яшчэ на этапе яго запуску.

У знак паспяховага старту вытворчасці ганаровыя госці пакінулі памятныя аўтографы на першым біг балі, які сышоў з канвеера. Гэта капсула часу сімвалізуе пачатак новага этапа ў развіцці прадпрыемства.

Што да экспартных перспектыў, то пасля выхаду на праектную магутнасць геаграфія паставак будзе істотна пашырана. Плануецца, што прадукцыя завода будзе пастаўляцца ў важныя рэгіёны, у тым ліку Кітай, Расію, Турцыю і Казахстан.