Крупскі раённы выканаўчы камітэт

У РЦАП па зімовых відах спорту "Раўбічы" прайшоў фінальны этап рэспубліканскіх спаборніцтваў сярод дзяцей і падлеткаў па біятлоне "Снежны снайпер" на прызы Прэзідэнцкага спартыўнага клуба. На спаборніцтвах выступаюць тыя, хто не займаецца біятлонам і лыжнымі гонкамі ў спецыялізаваных вучэбна-спартыўных установах. Усяго ўдзельнікамі фіналу сталі 168 юных спартсменаў, якія прадстаўляюць каманды абласцей і горада Мінска. У другі дзень турніру адбудуцца спаборніцтвы ў гонках з масавым стартам і змешаных эстафетах.

У Беларусі за студзень 2023 года арганізацыі ўсіх форм уласнасці пабудавалі 2,9 тыс. новых кватэр, паведамілі БЕЛТА ў Нацыянальным статыстычным камітэце.

Калекцыя тавараў "для мужчын" паводле слуцкіх арнаментаў: гальштукі, бабачкі, арганайзеры, папкі для дакументаў. Прадпрыемства "Слуцкія паясы" пашырае асартымент прадукцыі! На адзіным у свеце ўнікальным станку "Магеба", вядомым першым чынам выпускам копій знакамітых слуцкіх паясоў, паэтапна запускаюць новую лінейку вырабаў. Мастакі яшчэ дапрацоўваюць эскізы, а "Магеба" ўжо вырабіла першы эксперыментальны ўзор камп'ютарнага кілімка для мышы а-ля слуцкія паясы. Сярод навінак і запушчаная нядаўна лінейка пад умоўнай назвай "Абярэгі".

Беларусь у 2022 годзе наведалі 1,4 млн замежных турыстаў. Аб гэтым паведаміла намеснік дырэктара Дэпартамента па турызме, начальнік аддзела планавання і арганізацыі турысцкай дзейнасці Міністэрства спорту і турызму Кацярына Нікіціна на прэс-канферэнцыі "Новы турыстычны сезон - 2023. Куды паехаць адпачыць? Каляндар падзей і актуальныя маршруты па Беларусі", паведамляе карэспандэнт БЕЛТА.

168 лепшых юных біятланістаў-аматараў з усёй Беларусі сабраліся на тыдні ў Раўбічах, дзе ўжо сёння стартуе фінальны этап "Снежнага снайпера". Нягледзячы на тое, што спаборніцтвы дзіцячыя, падыход да турніру па-даросламу. Так, на першым этапе адбору на трапленне ў вырашальную стадыю спаборніцтваў прэтэндавалі больш як 20 тысяч школьнікаў. Важны факт - у "Снежным снайперу" бяруць удзел дзеці, якія не займаюцца біятлонам у СДЮШАР. Выступаюць спартсмены ў трох узроставых катэгорыях. Самым малодшым усяго 10 гадоў, старэйшым - ужо 15. У спаборніцкай праграме пятніцы - спрынтарскія гонкі, а ў нядзелю юныя якія спартсмены пазмагаюцца за медалі ў мас-старце і эстафетах.

Свабодныя эканамічныя зоны ў мінулым годзе забяспечылі 22,3 працэнта экспарту тавараў. Аб гэтым сведчаць даныя статыстычнага агляду, апублікаванага на сайце Белстата, паведамляе БЕЛТА.

15 лютага адбылася сустрэча старшыні Мінскага аблвыканкама Аляксандра Турчына з Надзвычайным і Паўнамоцным Паслом Ісламскай Рэспублікі Іран у Рэспубліцы Беларусь Саідам Яры.

Вытворчасць бульбы ў Беларусі за 2022 год вырасла на 23 працэнты, паведамілі БЕЛТА ў прэс-службе Мінсельгасхарча.

Ад натхнення краявідамі да ноу-хау ў народнай творчасці. Сёлета ў клецкай студыі саломапляцення новы матэрыял для мастацтва - талаш (лісце, якое пакрывае катахі кукурузы). Яно аказалася трывалым і прыдатным для пляцення. Новую калекцыю з фітаакцэнтамі першай убачыла Аляксандра Гойтан. Пасля заняткаў адразу на сцэну цэнтра культуры. У прыгожай паловы 2 "В" 3-й школы Клецка і клас адзін, і хобі - саломапляценне. Дзяўчынак у студыі вучаць не толькі народнаму мастацтву. У раскладзе дэфіле і праца з балетмайстрам. Гэта першая прымерка і выхад фітадзіў у адмысловых вобразах з новай калекцыі. Акрамя аўтэнтычных строяў з традыцыйнай саломкі, сёлета на галаўных уборах маленькіх прыгажунь расцвілі сакавітыя фіялкі, валошкі, півоні. Самаробныя бутоны таксама з палёў кукурузных. Новы матэрыял для мастацтва - талаш. Гэта лісце з катахоў кукурузы. Такая царская вопратка аказалася трывалай і прыдатнай для пляцення. Пажухлае лісце расфарбоўваюць чарніламі для прынтара. Гэта таксама вынаходка мясцовых майстроў. Народная студыя саломапляцення "Натхненне" існуе 18 гадоў пры Клецкім раённым цэнтры культуры. Творчасць з "золата" палёў прыцягвае ў асноўным дзяўчат. Гэта студыя з саламяным водарам. У майстэрні дзеці вучацца пераплятаць сцяблінкі ў кампазіцыі. Тут жа быццам атэлье з вытанчанымі ўборамі - ад элегантных капелюшоў да вячэрніх сукенак. Сёння ў калектыве больш за 20 чалавек і тры ўзроставыя групы. Творчы дыяпазон - ад правільнай нарыхтоўкі саломы да стварэня аўтарскіх капелюшоў і сумак. Ксенія Уласавец ужо чацвёрты год пляце сваю саламяную гісторыю. Яна і дызайнер, і мадэль. Манахромную "залатую" калекцыю дапаўняе сухацветамі і каляровымі фрагментамі з талаша. Не толькі вучні ў студыі ўдасканальваюць саламянае рамяство. У пастаянным творчым пошуку і прэзентацыі новых праектаў і майстар са стажам Аксана Андрончык. Сціплая клецкая саломка ў аўтарскай агранцы вартая самых высокіх тытулаў. Гэта вячэрняя сукенка, напрыклад, дапоўніць вобраз прадстаўніцы нашай краіны на міжнародным конкурсе прыгажосці.

У Беларусі за студзень вырасцілі 1,46 тыс. т агуркоў, паведамілі БЕЛТА ў прэс-службе Мінсельгасхарча.