Мэтай гэтай акцыі з'яўляецца павышэнне дасведчанасці насельніцтва аб магчымых спосабах і метадах павышэння эфектыўнасці выкарыстання энергарэсурсаў, у тым ліку і ў паўсядзённым жыцці ў быце, што з'яўляецца адной з важных мер па паляпшэнні дабрабыту грамадзян і эканамічнага росту краіны ў цэлым.
Прымаючы да ўвагі, што павышэнне энергаэфектыўнасці, рэалізацыя мерапрыемстваў у сферы энергазберажэння шмат у чым залежыць ад мабілізацыі намаганняў усіх дзяржаўных структур, Дэпартамент прапануе далучыцца да рэспубліканскай інфармацыйна-адукацыйнай акцыі і прыняць актыўны ўдзел у інфармаванні супрацоўнікаў сваіх ведамстваў, а таксама спецыялістаў падпарадкаваных арганізацый аб важнасці эфектыўнага выкарыстання энергарэсурсаў, спосабах энергазберажэння ў побыце; у размяшчэнні гэтай інфармацыі на інфармацыйных стэндах і сайтах органаў дзяржаўнага кіравання, выканкамаў, падпарадкаваных арганізацый (адпаведныя інфармацыйныя матэрыялы прыкладаюцца).
Даведачна: дадатковыя інфармацыйныя матэрыялы размешчаны на інтэрнэт-сайце Дэпартамента па энергаэфектыўнасці (https ://energoeffeсt.gov.by/) у раздзеле «Папулярна аб энергазберажэнні/Карысныя парады», на афіцыйным YouTube-канале Дэпартамента - сацыяльныя відэаролікі па энергазберажэнні.
Падпарадкаваныя тэрытарыяльныя органы Дэпартамента ў абласных цэнтрах і г.Мінску (кантакты: https://energoeffect.gov.by/contact ) гатовы бязвыплатна правесці інфармацыйна-навучальныя анлайн-лекцыі і семінары па адпаведнай тэматыцы, а таксама пракансультаваць па іншых узнікаючых пытаннях па напрамках у сферы энергазберажэння.
