На кожнай аўтадарозе ёсць свае, так званыя, аварыйныя кропкі - месцы канцэнтрацыі ДТЗ. У дадзеных месцах выстаўляюцца дарожныя знакі, паніжаючыя максімальную хуткасць і папярэджваючыя кіроўцаў аб небяспечным участку, але недысцыплінаванасць кіроўцаў, ліхацтва і няправільна абраная хуткасць становяцца прычынамі з'ездаў у кювет, перакульванняў, сустрэчных сутыкненняў. Усе аварыі па прычыне перавышэння хуткасці характарызуюцца цяжкімі наступствамі.
За 6 месяцаў б. г. па названай прычыне ў Мінскай вобласці адбылося 52 ДТЗ, у якіх 7 чалавек загінулі і 54 - атрымалі траўмы. Усяго за названы перыяд вартавымі дарог выяўлена 7197 фактаў парушэння хуткаснага рэжыму кіроўцамі.
У мэтах папярэджання ДТЗ з прычыны перавышэння хуткасных рэжымаў кіроўцамі транспартных сродкаў, Дзяржаўтаінспекцыя Мiнскай вобласці 30 ліпеня б. г. праводзіць Адзіны дзень бяспекі дарожнага руху пад дэвізам: «Набіраючы хуткасць - не спыні жыццё!», падчас якога супрацоўнікі ДАІ нагадаюць кіроўцам аб неабходнасці захавання хуткасных рэжымаў, наступствах зваротнага і адказнасці за ліхацтва.
ДАІ нагадвае!
Згодна з арт. 18.12 ч. КоАП Рэспублікі Беларусь - перавышэнне асобай, якая кіравала транспартным сродкам, усталяванай хуткасці руху ад дзесяці да дваццаці кіламетраў у гадзіну - папярэджанне або штраф да 1 б.в.;
Арт. 18.12 ч.2 - перавышэнне асобай, якая кіравала транспартным сродкам, усталяванай хуткасці руху ад дваццаці да трыццаці кіламетраў у гадзіну - штраф 1-3 б.в.;
Арт. 18.12 ч. 3 - перавышэнне асобай, якая кіравала транспартным сродкам, усталяванай хуткасці руху ад трыццаці да сарака кіламетраў у гадзіну - штраф 3-10 б.в.;
Арт. 18.12 ч. 4 - перавышэнне асобай, якая кіравала транспартным сродкам, усталяванай хуткасці руху на сорак і больш кіламетраў у гадзіну - штраф 8-12 б.в.;
Арт. 18.12 ч.5 - дзеянні, прадугледжаныя часткамі 2-4 гэтага артыкула, учыненыя паўторна на працягу аднаго года пасля накладання адміністрацыйнага спагнання за такія ж парушэнні – штраф 5-15 б. в. або пазбаўленне права кіравання тэрмінам да 1 года.
Дзяржаўтаінспекцыя заклікае кіроўцаў выключыць зухаватасць за рулём! Выязджаючы на дарогу, кіроўца абавязаны памятаць, што аўтамабіль - гэта сродак павышанай небяспекі і толькі ад дзеянняў кіроўцы і няўхільнага захавання правілаў дарожнага руху залежыць не толькі яго жыццё, але і іншых удзельнікаў дарожнага руху. Спакойнае, уважлівае, культурнае кіраванне аўтамабілем і пастаянны кантроль за дарожнай сітуацыяй забяспечаць шчаснае прыбыццё да месца прызначэння.
P. S. Кіроўцу на нататку!
Правілы дарожнага руху патрабуюць ад кіроўцы выбіраць хуткасць з улікам інтэнсіўнасці і характару руху транспартных сродкаў і пешаходаў, дарожных умоў, шырыні і стану праезнай часткі, бачнасці ў напрамку руху, атмасферных умоў, рэльефу мясцовасці, бачнасці і агляднасці, стану свайго транспартнага сродку і характару грузу, які перавозіцца. Усё гэта абавязвае вадзіцеля выбіраць хуткасць руху, улiчваючы дарожнае становішча.
Аўтамабіль рухаецца ў розных дарожных умовах з пастаянна змяняемай хуткасцю. У гэтых умовах кіроўца павінен правільна выбіраць бяспечную дыстанцыю, каб пазбегнуць сутыкнення ў выпадку тармажэння рухаючагася наперадзе транспартнага сродку, а таксама неабходны інтэрвал, які забяспечвае бяспечнае рух.
Неадпаведнасць хуткасці руху дарожнай абстаноўцы выклікае значную колькасць здарэнняў.
Ва ўсіх выпадках хуткасць павінна быць такой, каб пры неабходнасці можна было своечасова замарудзіць рух або спыніцца, ужываючы агульнапрынятыя прыёмы кіравання транспартным сродкам.
ДАІ Мінскай вобласці заклікае вадзіцеляў да самадысцыпліны, адказнасці і выканання ПДР!
УДАІ УУС Мінскага аблвыканкама
