Асноўнымі прычынамі ДТЗ сталі наступныя найбольш распаўсюджаныя парушэнні Правілаў дарожнага руху:
- перавышэнне ўстаноўленай хуткасці руху;
- парушэнне ПДР пешаходамі;
- парушэнне правілаў праезду пешаходных пераходаў;
- выезд на паласу сустрэчнага руху;
- парушэнне правілаў манеўравання;
- без права кіравання
- кіраванне МС кіроўцамі ў нецвярозым стане;
Асноўнымі прычынамі дарожна-транспартных здарэнняў з удзелам пешаходаў з'яўляюцца ігнараванне Правілаў дарожнага руху, адсутнасць у цёмны час сутак святлоадбівальных элементаў на адзенні пешых удзельнікаў, пагаршае сітуацыю такіх парушэнняў і знаходжанне на праезнай частцы ў стане ап'янення.
1 студзеня ў 19.30 гадзін у г. Слуцку, паблізу кафэ «Слуцкі Пачастунак», кіроўца 1999 г.н. рухаючыся на аўтамабілі «Опель Астра» ў напрамку вул. Леніна, здзейсніў наезд на двух нецвярозых пешаходаў, якія пераходзілі праезную частку дарогі ў неўстаноўленым месцы, яшчэ да таго ж і не былі пазначаны святлоадбіўнымі элементамі. У выніку ДТЗ абодва пешаходы, 59 і 55 гадоў з траўмамі былі дастаўлены ва ўстанову аховы здароўя, дзе на наступныя суткі памерлі.
3 студзеня каля 19.20 гадзін, зноў жа ў г. Слуцку, 56-гадовы кіроўца, рухаючыся на аўтамабілі «Лада Х-рэй» па вул. Леніна, здзейсніў наезд на 61-гадовага мясцовага жыхара, які выйшаў на праезную частку дарогі па-за пешаходным пераходам. У выніку ДТЗ пешаход з цялеснымі пашкоджаннямі і ў стане алкагольнага ап'янення быў шпіталізаваны ў бальніцу, дзе праз некалькі гадзін памёр. Пешаход не быў пазначаны святлоадбіўнымі элементамі.
На жаль, падобныя факты здарэнняў вельмі частыя. Дарога не даруе безадказных паводзінаў на ёй, асабліва ў стане алкагольнага ап'янення. Небяспечныя дзеянні такіх пешаходаў на дарозе і зблізку яе нікога не павінны пакінуць абыякавым.
Паважаныя ўдзельнікі дарожнага руху! Калі вы бачыце паблізу праезнай часткі пешахода або веласіпедыста, які знаходзіцца з прыкметамі алкагольнага ап'янення, відавочна прадстаўляе небяспеку для руху, альбо неабазначаных святлоадбіўнымi элементамі, просім вас неадкладна паведаміць на тэлефонную лінію 102 у тэрытарыяльныя АУС і па вашай інфармацыі будуць прыняты адпаведныя меры рэагавання.
Паводле Кодэкса аб адміністрацыйных правапарушэннях Беларусі:
«...у дачыненні да пешахода, які ў цёмны час сутак рухаецца па праезнай частцы, не пазначыўшы сябе флікерам, прымяняюцца штрафныя санкцыі ў памеры ад 1 да 3 базавых велічынь ці папярэджанне. Калі парушэнне ім Правілаў дарожнага руху пацягнула стварэнне аварыйнай сітуацыі, то памер штрафу складае ад 3 да 8 базавых велічынь. На суму ад 3 да 5 базавых велічынь штрафуецца пешаход, калі ён знаходзіцца на дарозе ў стане алкагольнага ап'янення».
Акрамя таго, адной з прычын траўміравання пешаходаў на дарогах - з'яўляецца недысцыплінаванасць кіроўцаў, і невыкананне патрабаванняў Правілаў ў частцы праезду імі нерэгулюемых пешаходных пераходаў і прадастаўлення перавагі пешаходам.
Так, 9 студзеня каля 08.40 гадзін, у г. Заслаўе Мінскага раёна 75-гадовы кіроўца, рухаючыся на аўтамабілі «Таёта Лэнд Крузер» па вул. Савецкай, здзейсніў наезд на 19-гадовую дзяўчыну, якая пераходзіла праезную частку па нерэгуляваным пешаходным пераходзе. У выніку ДТЗ пешаход з атрыманымі траўмамі шпіталізавана.
Паводле артыкула 18.14 ч.6 КоАП Рэспублікі Беларусь за невыкананне асобай, якая кіравала транспартным сродкам, патрабаванняў дарожных знакаў або разметкі, а роўна не прадастаўленне асобай, якая кіравала транспартным сродкам перавагі ў руху пешаходам надыходзіць адміністрацыйная адказнасць у выглядзе штрафу ў памеры ад 1 да 5 базавых велічынь.
У неспрыяльных умовах надвор'я і высокай інтэнсіўнасці руху, асабліва ў перадвыхадныя і выхадныя дні, любая памылка, няхай гэта будзе парушэнне правілаў абгону або хуткаснага рэжыму, невыкананне бяспечнай дыстанцыі да наперадзе ідучага аўтатранспарту, немінуча прыводзіла да няшчасных выпадкаў на дарозе.
На тэрыторыі Бярэзінскага раёна 8 студзеня адбылося лабавое сутыкненне транспартных сродкаў. Каля 12.50 гадзін на 33-кіламетры аўтадарогі Р-67 «Барысаў-Беразіно-Бабруйск» 56-гадовы кіроўца, рухаючыся на аўтамабілі «Фальксваген-Гольф» у накірунку г.Барысава, няправільна выбраў хуткасць руху, не ўлічыў умоў надвор'я (ападкі ў выглядзе снегу), у выніку чаго не справіўся з кіраваннем, выехаў на паласу сустрэчнага руху, дзе здзейсніў лабавое сутыкненне з аўтамабілем «Пежо-607» пад кіраўніцтвам 48-гадовага вадзіцеля. У выніку аўтааварыі кіроўца аўтамабіля «Фольксваген Гольф» загінуў на месцы здарэння, 44-гадовая пасажыр-жанчына аўтамабіля «Пежо» атрымала траўмы.
У гэтыя ж суткі каля двух гадзін дня ў г.Маладзечна на вул. В.Гасцінец, 44-гадовы кіроўца, рухаючыся на аўтамабілі «Опель Астра», няправільна выбраў хуткасць руху, не ўлічыў умоў надвор'я (ападкі ў выглядзе снегу), у выніку чаго не справіўся з кіраваннем і выехаў на паласу сустрэчнага руху, дзе здзейсніў лабавое сутыкненне з аўтамабілем «Фіят Дуката» пад кіраваннем 51-гадовага кіроўцы. У выніку ДТЗ кіроўца і 32-гадовая жанчына-пасажыр аўтамабіля «Опель Астра» атрымалі цялесныя пашкоджанні.
10 студзеня каля 14.45 у Клецкім раёне 53-гадовы кіроўца, рухаючыся на аўтамабілі «Фальксваген Пасат», з боку г. Клецка, не ўлічыў дарожныя, умовы надвор'я, у выніку чаго не справіўся з кіраваннем транспартнага сродку, з'ехаў у левую па ходзе руху абочыну, дзе аўтамабіль перакуліўся. У выніку ДТЗ 26-гадовая жанчына пасажыр, з атрыманымі траўмамі шпіталізавана. Кіроўца і пасажыр былі прышпілены рамянямі бяспекі, што зберагло ад больш сур'ёзных наступстваў.
Так, 13 студзеня каля 08:30 у Слуцку па вул. Леніна, 60-гадовы кіроўца, рухаючыся на аўтамабілі «Лада Веста», у кірунку г. Івацэвічы, перад пачаткам абгону, не ўпэўніўся ў бяспецы манеўру, выехаў на паласу сустрэчнага руху, дзе здзейсніў сутыкненне з аўтамабілем «Фольксваген Гольф», якім кіраваў 30-гадовы вадзіцель. У выніку аўтааварыі кіроўца аўтамабіля «Фольксваген Гольф» з закрытай чэрапна-мазгавой траўмай, страсеннем галаўнога мозгу і пераломам сцегнавой косткі шпіталізаваны.
16 студзеня каля 22.10 на аўтадарозе Р-95 «Лынтупы-Свір-Смаргонь-Крэва-Гальшаны» Мядзельскага раёна, 39-гадовы кіроўца, рухаючыся на аўтамабілі «Пежо-406» з боку в.Камарова на скрыжаванні нераўназначныя дарог, ажыццяўляючы паварот направа, не саступіў дарогу аўтамашыне ў складзе цягача «Вольва» c паўпрычэпам «Шмітц» пад кіраваннем 45-гадовага вадзіцеля, у выніку чаго адбылося сутыкненне транспартных сродкаў. Пацярпеў кіроўца аўтамабіля «Пежо», але шпіталізацыя яму не спатрэбілася.
Упраўленне транспартам у стане алкагольнага ап'янення адно з самых грубых парушэнняў Правілаў дарожнага руху. Статыстыка сведчыць, што 5-10% ДТЗ, якія здзяйсняюцца па віне вадзіцеляў, звязана менавіта з гэтым правапарушэннем. Па статыстыцы за пятніцу і выхадныя дні ўзрастае колькасць нецвярозых кіроўцаў.
17 студзеня каля 17.20 падчас нясення службы ў аграгарадку Хатляны Уздзенскага раёна ўвагу супрацоўнікаў ДАІ прыцягнуў матацыкл «Днепр-11», на якім рухаўся кіроўца і пасажыр без моташлемаў. Убачаная карціна здзівіла, улічваючы, што на вуліцы далёка не плюсавая тэмпература, а гэты від транспарту мотааматараў стаіць у гаражах да вясны. Як толькі інспектары пачалі набліжацца да матацыкла, кіроўца і яго пасажыр разбегліся ў розныя бакі. Матацыкліст забег у двор прыватнага дома, дзе і быў знойдзены.
Ім аказаўся 29-гадовы мясцовы жыхар, у якога меліся характэрныя прыкметы алкагольнага ап'янення. Вынік агляду дадзенага грамадзяніна паказаў - 0,91 праміле. Да таго ж парушальнік яшчэ і не меў права кіравання транспартным сродкам, пасведчання кіроўцы ніколі не атрымліваў, а матацыкл «Днепр» эксплуатаваўся без страхоўкі і тэхнічнага агляду.
Сам парушальнік патлумачыў, што з кампаніяй святкаваў нараджэнне дзіцяці сваяка, спіртнога не хапіла і давялося ехаць за дадаткам. Ну а цяпер яшчэ прыйдзецца грубаму правапарушальніку адказаць па законе. У дачыненні да гэтага грамадзяніна складзена 5 адміністрацыйных пратаколаў.
Дарэчы, за 12 месяцаў мінулага года на тэрыторыі вобласці вартавымі дарог затрымана больш за 3 548 вадзіцеляў у стане ап'янення. Паўторна на працягу года выяўлена - 175 фактаў дадзенага правапарушэння, вадзіцелі прыцягнуты да крымінальнай адказнасці.
Нагадваем кіроўцам! Дзеючым заканадаўствам за кіраванне транспартным сродкам у стане алкагольнага ап'янення, альбо перадачу права кіравання нецвярозаму, а таксама адмову ад праходжання агляду прадугледжваецца пакаранне ў выглядзе пазбаўлення права кіравання усімі відамі транспартных сродкаў тэрмінам на 3 гады і штрафам ад 50 да 100 базавых велічынь.
За паўторнае кіраванне ў стане алкагольнага ап'янення на працягу года правапарушальнік прыцягваецца да крымінальнай адказнасці, пры гэтым, прадугледжана спецыяльная канфіскацыя транспартнага сродку, якім кіравалі ў стане ап'янення, незалежна ад права ўласнасці.
Паважаныя грамадзяне! Калі вы бачыце ці ведаеце, што транспартным сродкам кіруе кіроўца з прыкметамі ап'янення, паведаміце ў дзяжурную частку ДАІ па тэлефоне 102 (званок бясплатны).
Таксама нароўні з грубымі правапарушэннямі з'яўляецца кіраванне транспартам, не маючы на гэта права.
7 студзеня супрацоўнiкi Дзяржаўтаінспекцыі падчас нясення службы на аўтадарозе Р-23 «Мінск-Слуцк-Мікашэвічы» спынілі аўтамабіль «Форд Галаксi», які рухаўся ў напрамку г.Мінска. За рулём мінівэна апынуўся 16-гадовы хлопец, жыхар Слуцкага раёна. Разам з ім у аўтамабілі знаходзіліся і ягоныя бацькі, якія былі з характэрнымі прыкметамі алкагольнага ап'янення.
У ходзе разбору бацька растлумачыў, што з сям'ёй яны вырашылі з'ездзіць папіць кавы ў прыдарожнае кафэ, якое размешчана ў 30-ці км ад дома. З членаў сям'і цвярозым апынуўся толькі сын-падлетак, які па просьбе бацькі сеў за руль.
У дачыненні да бацькі і сына складзены адміністрацыйныя матэрыялы па ч.1 арт.18.19 КоАП Рэспублікі Беларусь. Акрамя штрафу, дадзеную сям'ю чакае яшчэ і пасяджэнне камісіі па справах непаўналетніх.
Такое безадказнае стаўленне дарослых ставіць пад пагрозу не толькі ўласнае жыццё, але і жыццё сваіх дзяцей, а таксама бяспеку навакольных людзей.
Дзяржаўтаінспекцыя Мінскай вобласці нагадвае, што згодна з арт. 18.19 КоАП Рэспублікі Беларусь за кіраванне транспартным сродкам асобай, якая не мае права кіравання гэтым сродкам, а роўна перадачу кіравання транспартным сродкам асобе, які не мае права кіравання, прадугледжаны штраф у памеры ад 5 да 20 БВ.
Тыя ж дзеянні, учыненыя паўторна на працягу года, цягнуць накладанне штрафу ад 20 да 50 БВ або адміністрацыйнага арышту да 15 сутак і прыняцце рашэння па дадзеным парушэннi ўваходзіць у кампетэнцыю Судоў.
У мэтах прапаганды, ПДР усімі ўдзельнікамі дарожнага руху, 29 студзеня 2021 года Дзяржаўтаінспекцыя праводзіць адзіны Дзень бяспекі дарожнага руху пад дэвізам: «Выконваючы ПДР - захоўваеш жыцьцё!», накіраваны на прапаганду, ПДР усімі ўдзельнікамі дарожнага руху.
Пазбегнуць аварый вельмі складана, але прадухіліць, магчыма, калі ўдзельнікі дарожнага руху будуць праяўляць адзін да аднаго павышаную ўвагу і павагу. Выконваючы правілы дарожнага руху - вы будзеце з'яўляцца станоўчым прыкладам для іншых. Хай для кожнага з нас у новым годзе будзе дарога добрай і бяспечнай!
21.01.2021 УДАІ УУС Мінскага аблвыканкама
