У правілах мноства новаўвядзенняў, якія тычацца непасрэдна грамадзян. Некаторыя пункты з'яўляюцца афіцыйным замацаваннем правілаў, якіх многія прытрымліваліся і раней. Але зараз іх ігнараванне афіцыйна лічыцца правапарушэннем, а значыць - і цягне прыцягненне да адказнасці. Напрыклад, цяпер у правілах афіцыйна прапісана, што не дапускаецца пакідаць без нагляду запаленыя свечкі, курыць у ложку ці іншым месцы для сну, выкідаць непатушаныя цыгарэты і запалкі з аконных праёмаў, з балконаў або лоджый шматкватэрных жылых дамоў, у смеццеправод, смеццевыя кантэйнеры, бакі , урны на прыдамавой тэрыторыі. Попел, вуглі і дзындра, выдаленыя з цеплагенерыруючых апаратаў, ацяпляльных прыбораў або печаў, павінны быць заліты вадой да іх поўнага згасання.
Парушэннем таксама з'яўляецца выкарыстанне ліфта падчас пажару.
Акрамя таго, у правілы уключаны пункт аб забароне ажыццяўляць запуск вырабаў, прынцып ўздыму якіх на вышыню заснаваны на награванні паветра ўнутры канструкцыі з дапамогай агню. Маюцца на ўвазе усякага роду кітайскія ліхтарыкі, якія так любяць запускаць на вяселлях, юбілеях і выпускных. Зараз прыйдзецца прыдумаць новую і больш бяспечную традыцыю.
У патрабаваньнях да зместу прыдамавой тэрыторыі і зямельных участкаў, прадастаўленых для вядзення калектыўнага садаводства або дачнага будаўніцтва, ўключаны пункт аб недапушчэнні выпальвання сухой расліннасці на корані. Добрая навіна для аматараў прыгатавання ежы на агні: цяпер знайсці месца для мангала на сваім участку стане прасцей, паколькі зменены бяспечныя адлегласці пры выкарыстанні мангалаў і развядзенні вогнішчаў. У правілах пазначана, што працэс гарэння і тлення павінен ажыццяўляцца такім чынам, каб полымя і іскры не траплялі на элементы будынкаў і збудаванняў. Пры гэтым адлегласць да выступаючых частак будынкаў і збудаванняў ад спецыяльных прыстасаванняў для прыгатавання ежы павінна складаць не менш за 2 метраў (раней 4 метры), а ад месцаў распальвання вогнішча - не менш за 8 метраў (раней 10 метраў).
У правілах прапісана, што ў будынках, збудаваннях і памяшканнях не дапускаецца ўжыванне любых піратэхнічных вырабаў, за выключэннем адпавядаючых I класу небяспекі па тэхнічнаму рэгламенту Мытнага саюза «Аб бяспецы піратэхнічных вырабаў». Таксама забаронена развядзенне вогнішчаў і выкарыстанне спецыяльных прыстасаванняў для падрыхтоўкі ежы як у памяшканнях, так і на балконах, у лоджыях, на тэрасах, дахах і стылабатах, за выключэннем выпадкаў, калі іх размяшчэнне прадугледжана праектнай дакументацыяй, пад навесамі і ў альтанках.
Змяніліся патрабаванні да пажарнай бяспекі ў гаражах. Цяпер у гаражах забаронена запраўляць транспартныя сродкі аўтамабільнымі бензінамі, дызельным палівам, газай, гаручымі газамі, а таксама зараджаць акумулятарныя батарэі непасрэдна на транспартных сродках, за выключэннем аўтамабіляў, на якіх прадугледжана магчымасць зарадкі акумулятарнай батарэі без зняцця з аўтамабіля. Акрамя таго, у гаражах забаронена ўстаноўка і эксплуатацыя нецеплаёмicns[ печаў - так званых «буржуек».
Нагадваем, што за парушэнне правілаў пажарнай бяспекі Адміністрацыйным кодэксам прадугледжана адказнасць у выглядзе папярэджання або штрафу да 30 базавых велічынь, а на юрыдычную асобу - папярэджанне або накладанне штрафу ў памеры да двухсот базавых велічынь. Парушэнне правілаў пажарнай бяспекі асобай, адказнай за іх выкананне, што пацягнула ўзнікненне пажару, цягне накладанне штрафу ў памеры да пяцідзесяці базавых велічынь.
У выпадку паўторнага парушэння, здзейсненага на працягу года пасля прыцягнення да адміністрацыйнай адказнасці, што прывяло да ўзнікненне пажару, а таксама ў выпадку прычынення цялеснага пашкоджання, матэрыяльнай шкоды або смерці чалавека, законам прадугледжана крымінальная адказнасць па артыкуле 304 КК Рэспублікі Беларусь.
Азнаёміцца з поўным тэкстам дакумента можна на сайце МНС у раздзеле «Заканадаўства».
Крупскі РАНС
