Асноўнымі прычынамі ДТЗ сталі наступныя найбольш распаўсюджаныя парушэнні Правілаў дарожнага руху:
- перавышэнне ўстаноўленай хуткасці руху;
- парушэнне ПДР пешаходамі;
- парушэнне правілаў праезду пешаходных пераходаў;
- выезд на паласу сустрэчнага руху;
- парушэнне правілаў манеўравання;
- без права кіравання;
- кіраванне ТС кіроўцамі ў нецвярозым стане;
Па-ранейшаму застаецца высокай удзельная вага аўтааварый з удзелам пешаходаў. Асноўнай з прычын дарожна-транспартных здарэнняў з гэтай катэгорыяй з'яўляецца ігнараванне самімі пешаходамі Правілаў дарожнага руху, а таксама адсутнасць у цёмны час сутак святлоадбіўных элементаў на адзенні пешых удзельнікаў.
Многія пешаходы не хочуць разумець, што кіроўца не ў сілах імгненна спыніць свой аўтамабіль, каб пазбегнуць наезду. У цёмны час сутак пешаходы становяцца найбольш уразлівымі. Кіроўцам варта быць вельмі засяроджанымі пры праездзе па слаба асветленых або неасветленых участках дарог паблізу населеных пунктаў. Менавіта там найбольш высокая верагоднасць з'яўлення на праезнай частцы пешаходаў. Кіроўца павінен быць гатовы да любых нечаканасцяў з боку пешаходаў - хаджэнне па дарогах у стане алкагольнага ап'янення, пераход праезнай часткі ў неўстаноўленым месцы, непадпарадкаванне сігналам рэгулявання дарожнага руху.
01.01.2020 каля 21.55 у Салігорскім раёне, кіроўца 1995 г. н., рухаючыся на аўтамабілі Пежо 406 у напрамку г. Салігорска, здзейсніла наезд на пешахода, 1970 г. н., жыхара Салігорскага раёна, які знаходзіўся ў паласе руху транспартнага сродку.
У выніку наезду пешаход ад атрыманых цялесных пашкоджанняў памёр на месцы ДТЗ. Пешаход СВЭ не пазначаны.
04.01.2020 каля 21.40 у в. Обчын Любанскага раёна, кіроўца, 1995 г. н., рухаючыся на аўтамабілі Опель Астра, здзейсніў наезд на мясцовага жыхара, які ляжаў на праезнай частцы. У выніку ДТЗ пешаход, 1966 г. н. з атрыманымі цялеснымі пашкоджаннямі быў шпіталізаваны. Пешаход СВЭ не пазначаны.
16.01.2020 каля 04.35 паблізу г. п. Смілавічы Чэрвеньскага раёна, кіроўца, 1964 г. н., рухаючыся на аўтамабілі Фольксваген Крафтэр, здзейсніў наезд на пешахода 1969 г.н., жыхара г. Мінска. У выніку ДТЗ пешаход ад атрыманых траўмаў памёр на месцы здарэння. Пешаход СВЭ таксама не быў пазначаны.
І 20.01.2020 каля 06.15 паблізу в. Зарэчча Смалявіцкага раёна, кіроўца, 1984 г. н., рухаючыся на аўтамабілі Нісан Террано, здзейсніў наезд на пешахода, які знаходзіўся на праезнай частцы, 2000 г. н., жыхара Смалявіцкага раёна. У выніку ДТЗ пешаход ад атрыманых цялесных пашкоджанняў памёр на месцы здарэння. Пешаход СВЭ не пазначаны.
На жаль, падобныя факты здарэнняў вельмі частыя. Дарога не даруе безадказных паводзін на ёй, асабліва ў стане алкагольнага ап'янення. Небяспечныя дзеянні пешахода на дарозе і паблізу яе нікога не павінны пакінуць абыякавым.
Нават з надыходам халадоў працягваюцца наезды на веласіпедыстаў.
16.01.2020 каля 08.06 у межах в. Стары Капыль, кіроўца, 1989 г. н., рухаючыся на аўтамабілі Фальксваген Гольф у напрамку г.Капыль, здзейсніў наезд на веласіпедыста, які рухаўся ў спадарожным кірунку, 1973 г. н., мясцовага жыхара. У выніку ДТЗ веласіпедыст з атрыманымі траўмамі быў шпіталізаваны. Вядома, што ровар быў пазначаны СВЭ, а яго гаспадар не.
Нагадваем, веласіпедыстам неабходна абсталяваць свае ровары фарамі (ліхтарамі), якія выпраменьваюць спераду белае святло, ззаду – чырвонае.
Таксама, згодна з п. 148 ПДР рух на ровары павінен ажыццяўляцца па абочыне, а ў выпадку яе адсутнасці не далей за 1 метр ад правага краю праезнай часткі дарогі. Акрамя таго, веласіпедыстам забараняецца рухацца па дарозе ва ўмовах снегападу і (або) галалёдзіцы згодна з п. 153.4 ПДР.
Паважаныя ўдзельнікі дарожнага руху! Калі вы бачыце паблізу праезнай часткі пешахода або веласіпедыста, які знаходзіцца з прыкметамі алкагольнага ап'янення, відавочна які прадстаўляе небяспеку для руху, альбо неазначаных святлоадбіўнымі элементамі, просім вас неадкладна паведаміць на тэлефонную лінію 102 у тэрытарыяльныя АУС і па вашай інфармацыі будуць прыняты адпаведныя меры рэагавання.
Адной з праблем на дарогах застаюцца наезды на пешаходаў на нерэгуляваных пешаходных пераходах.
14.01.2020 каля 08.10 паблізу в. Петкавічы, Дзяржынскага раёна, кіроўца, 1984 г. н., рухаючыся на аўтамабілі Форд Транзіт, здзейсніў наезд на пешахода, 1941 г. н., мясцовую жыхарку, якая пераходзіла праезную частку дарогі па нерэгуляваным пешаходным пераходзе. У выніку наезду пешаход ад атрыманых цялесных пашкоджанняў памерла на месцы ДТЗ. Пешаход СВЭ не пазначаны.
Згодна з артыкулам 18.14 ч.6 КаАП Рэспублікі Беларусь за невыкананне асобай, якая кіравала транспартным сродкам, патрабаванняў дарожных знакаў або разметкі, а роўна не прадастаўленне асобай, якая кіравала транспартным сродкам перавагі ў руху пешаходам надыходзіць адміністрацыйная адказнасць у выглядзе штрафу ў памеры ад 1 да 5 базавых велічынь.
У неспрыяльных умовах надвор'я і высокай інтэнсіўнасці руху, асабліва ў перадвыхадныя і выходныя дні, любая памылка, няхай гэта будзе парушэнне правілаў абгону або хуткаснага рэжыму, невыкананне бяспечнай дыстанцыі да ідучага наперадзе аўтатранспарту немінуча прыводзіла да няшчасных выпадкаў на дарозе.
06.01.2020 каля 08.25 на аўтадарозе Р-53 “Слабада-Навасады”, Смалявіцкага раёна, кіроўца, 1988 г. н., рухаючыся на аўтамабілі Форд Мандэа, няправільна выбраў дыстанцыю да транспартнага сродку, які рухаўся наперадзе, у выніку чаго адбылося сутыкненне з універсальным пагрузчыкам Амкадор пад кіраваннем кіроўцы 1972 г. н., які рухаўся ў спадарожным кірунку. У выніку аўтааварыі пасажыр, 2003 г. н., аўтамабіля Форд атрымаў цялесныя пашкоджанні ў выглядзе спалучанай траўмы цяжкай ступені, быў шпіталізаваны ў рэанімацыйнае аддзяленне бальніцы. Кіроўца і пасажыр не былі прышпіленыя рамянямі бяспекі.
07.01.2020 каля 08.05 у межах в. Атоліна Мінскага раёна, кіроўца, 1994 г. н., рухаючыся на аўтамабілі Опель Корса, на закругленні дарогі налева, з'ехала ў правы кювет, дзе аўтамабіль перакуліўся. У выніку ДТЗ пасажыр, 2013 г. н., з атрыманымі цялеснымі пашкоджаннямі быў шпіталізаваны. Дзіця знаходзілася на заднім сядзенні, быў прышпілены рамянём бяспекі, але дзіцячае крэсла ў аўтамабілі адсутнічала.
11.01.2020 каля 07.53 у Клецкім раёне, кіроўца, 1974 г. н., рухаючыся на аўтамашыне МАЗ з паўпрычэпам, здзейсніў сутыкненне з аўтамабілем Фольксваген Каравэла пад кіраваннем кіроўцы, 1966 г. н., які рухаўся ў спадарожным кірунку і ажыццяўляў манеўр развароту. У выніку ДТЗ кіроўца аўтамабіля Фольксваген ад атрыманых траўмаў памёр на месцы здарэння.
Кіраванне транспартам у стане алкагольнага ап'янення адно з самых грубых парушэнняў Правілаў дарожнага руху. Статыстыка сведчыць, што 5-10% ДТЗ, якія здзяйсняюцца па віне кіроўцаў, звязана менавіта з гэтым правапарушэннем. Па статыстыцы за пятніцу і выхадныя дні ўзрастае колькасць нецвярозых вадзіцеляў. Гэту спакуса разгадаем тым, што не трэба на працу, хочацца так сказаць паслабіцца, але гэта ні ў якай меры не апраўдвае іх дзеянні, якія ў выніку могуць прывесці да дарожна-транспартных здарэнняў.
Характэрна тое, што ёсць грамадзяне, якім неабыякава дадзеная праблема, і яны глыбока разумеюць, што нецвярозы за рулём – гэта злачынец. У дзяжурную частку кожныя суткі паступаюць паведамленні ад удзельнікаў дарожнага руху аб кіраванні транспартнымі сродкамі нецвярозымі кіроўцамі.
Аналізуючы паведамленні ад грамадзян, можна апісаць паводзіны нецвярозага кіроўцы. Такія вадзіцелі пастаянна позняцца пры крананні каля святлафора, неаднаразова рэзка тармозяць, рухаюцца на забараняльны сігнал святлафора. Ім уласціва празмерна рэзкая язда або неабгрунтавана маленькая хуткасць руху. Пры манеўраванні іх адрознівае ненатуральная звілістая траекторыя руху. А таксама ў цёмны час сутак забываюць уключаць светлавыя прыборы.
Парушаюць усе разумовыя забароны: перавышаюць хуткасць, ігнаруюць знакі, падразаюць машыны. Прычым у нецвярозым стане ў асноўным трапляюць маладыя людзі да 30 гадоў, сярод іх ёсць і такія, якія ўжо былі пазбаўленыя правоў ці ўвогуле ніколі не мелі права кіравання.
Так, 02.01.2020 каля 18.00, у в. Гацук Слуцкага раёна, кіроўца, 1988 г. н., не маючы права кіравання (пазбаўлены па ч.1 арт. 18. 16 КаАП РБ), кіруючы аўтамабілем Форд Сіера ў стане алкагольнага ап'янення, здзейсніў наезд на пешахода, 1967 г. н., мясцовую жыхарку, якая рухалася па правай па ходзе руху абочыне. У выніку ДТЗ жанчына з шматлікімі траўмамі была шпіталізавана.
11.01.2020 каля 21.49 у г.Слуцк кіроўца, 1991 г. н., п/к не мае (не атрымліваў), тым не менш, кіруючы аўтамабілем Фольксваген Пола ў стане алкагольнага ап'янення, няправільна выбраў хуткасць руху, не справіўся з кіраваннем транспартнага сродку, выехаў на правы па ходзе руху тратуар, дзе здзейсніў наезд на апору ЛЭП.
У выніку аўтааварыі пасажыр, 1981 г. н., які таксама знаходзіўся ў стане алкагольнага ап'янення, з атрыманымі цялеснымі пашкоджаннямі быў шпіталізаваны.
Нагадваем кіроўцам! Дзеючым заканадаўствам за кіраванне транспартным сродкам у стане алкагольнага ап'янення, або перадачу права кіравання нецвярозаму, а таксама адмову ад праходжання агляду прадугледжваецца пакаранне ў выглядзе пазбаўлення права кіравання ўсімі відамі транспартных сродкаў тэрмінам на 3 гады і штрафам ад 50 да 100 базавых велічынь.
За паўторнае кіраванне ў стане алкагольнага ап'янення на працягу года правапарушальнік прыцягваецца да крымінальнай адказнасці, пры гэтым прадугледжана спецыяльная канфіскацыя транспартнага сродку, якім кіравалі ў стане ап'янення, незалежна ад права ўласнасці.
Паважаныя грамадзяне! Калі вы бачыце ці ведаеце, што транспартным сродкам кіруе кіроўца з прыкметамі ап'янення, паведаміце ў дзяжурную частку ДАІ па тэлефоне 102 (званок бясплатны).
У мэтах прапаганды захавання ПДР усімі ўдзельнікамі дарожнага руху, 31 студзеня 2020 года Дзяржаўтаінспекцыя праводзіць Адзіны дзень бяспекі дарожнага руху пад дэвізам: “У Новы год па “Добрай дарозе!”, які накіраваны на прапаганду выканання ПДР усімі ўдзельнікамі дарожнага руху.
Пазбегнуць аварый вельмі складана, але прадухіліць магчыма, калі ўдзельнікі дарожнага руху будуць праяўляць адзін да аднаго павышаную ўвагу і павагу. Выконваючы Правілы дарожнага руху вы будзеце з'яўляцца станоўчым прыкладам для іншых. Хай для кожнага з нас у новым годзе будзе дарога добрай і бяспечнай!
УДАІ УУС Мінскага аблвыканкама
