Яслі-сад нумар 4 адкрылі 16 снежня ў Калодзішчах. У будынку дзіцячага сада зроблена ўсё, каб дзеці адчувалі сябе камфортна, маглі атрымліваць неабходныя для іх узросту веды і весела праводзіць час. У ім размясцілася 12 групавых памяшканняў, фізкультурная, трэнажорная, музычная залы, басейн, камп'ютарны клас, кабінеты настаўніка-дэфектолага і педагога-псіхолага, метадычны кабінет, медыцынскі блок і харчаблок. Прадугледжаны ўмовы для дадатковых адукацыйных паслуг.