"Дакумент накіраваны на паляпшэнне бізнес-асяроддзя, прыцягненне інвестыцый, развіццё ўзаемадзеяння ў галіне правядзення сумесных мерапрыемстваў", - гаворыцца ў паведамленні.
Прадстаўнікі СЭЗ таксама наведалі выстаўку Smart Industry Expo, якая праходзіць у "Вялікім камені", інавацыйны цэнтр, "Адну станцыю", а таксама азнаёміліся з ходам будаўніцтва аб'ектаў у індустрыяльным парку.
Свабодная эканамічная зона "Бішкек" заснавана ў 1995 годзе і з'яўляецца буйнейшай у Рэспубліцы Кыргызстан. Яна налічвае 319 рэзідэнтаў з 32 краін.
Кітайска-беларускі індустрыяльны парк "Вялікі камень" - асаблівая эканамічная зона са спецыяльным прававым рэжымам, размешчаная за 25 км ад Мінска. Прыярытэтныя для парка напрамкі - машынабудаванне, электроніка і тэлекамунікацыі, біятэхналогіі, фармацэўтыка, новыя матэрыялы, лагістыка, электронная камерцыя, захоўванне і апрацоўка вялікіх аб'ёмаў даных.