Яе галоўныя мэты - стабілізацыя крымінагеннай абстаноўкі ў падлеткавым асяроддзі, актывізацыя работы па ўзмацненні прафілактычнага ўздзеяння на непаўналетніх, схільных да здзяйснення супрацьпраўных учынкаў, папярэджанне ДТЗ з удзелам дзяцей, фактаў траўміравання ад знешніх прычын, у тым ліку на аб'ектах чыгуначнага транспарту, няшчасных выпадкаў з удзелам непаўналетніх.

Так, з 16 снежня 2019 года па 12 студзеня 2020 года на тэрыторыі Мінскай вобласці праводзіцца прафілактычная акцыя "Бяспечныя канікулы".

У ходзе акцыі супрацоўнікамі міліцыі грамадскай бяспекі УУС Мінскага аблвыканкама будзе арганізавана правядзенне інфармацыйна-тлумачальнай працы ва ўстановах агульнай сярэдняй, прафесійна-тэхнічнай і сярэдняй спецыяльнай адукацыі, у працоўных калектывах і арганізацыях па прафілактыцы правапарушэнняў у падлеткавым асяроддзі. У тым ліку і па папярэджанні ДТЗ з тлумачэннем асноўных рызык і пагроз бяспекі дзяцей на дарозе, неабходнасці няўхільнага захавання правілаў перавозкі дзяцей у транспартных сродках, правілаў бяспечных паводзін на дарозе і ў транспарце, у дварах, надаючы асаблівую ўвагу правілам пераходу праезнай часткі па нерэгуляваным пешаходным пераходзе, недапушчальнасці выкарыстання пры гэтым мабільных тэлефонаў і іншых электронных прылад, выбару бяспечных месцаў для актыўных гульняў.