З мэтай прафілактыкі ДТЗ з удзелам непаўналетніх, напярэдадні і падчас зімовых школьных канікул, з 19 снежня 2022 года па 08 студзеня 2023 года Дзяржаўтаінспекцыя Мінскай вобласці праводзіць прафілактычную акцыю «Бяспечныя канікулы».
За 11 месяцаў 2022 года зарэгістравана 72 ДТЗ з удзелам непаўналетніх, у выніку якіх 6 дзяцей загінулі (Барысаўскі і Стаўбцоўскі раёны (па 2 дзіцяці), Вілейскі і Нясвіжскі раёны) і 75 - траўміраваны. Па віне непаўналетніх зарэгістравана 21 ДТЗ.
Большасць аварый здарыліся з удзелам дзяцей - пасажыраў: у 36 ДТЗ, 4 дзяцей загінулі і 40 - траўміраваны. 22 ДТЗ зарэгістраваны з удзелам дзяцей-пешаходаў, у якіх 2 дзіцяці загінулі і 21 - атрымалі траўмы рознай ступені цяжкасці. Таксама, на тэрыторыі вобласці зарэгістравана 4 аўтааварыі з удзелам непаўналетніх-вадзіцеляў і 10 - з удзелам дзяцей-веласіпедыстаў.
Толькі ў кастрычніку б.г. на тэрыторыі Мінскай вобласці загінулі чацвёра дзяцей (!), з якіх двое дзяцей-пешахода і два пасажыры.
У канікулярны перыяд заўсёды намячаецца актыўная перавозка дзяцей, а статыстыка дарожна-транспартных здарэнняў з удзелам непаўналетніх сведчыць аб тым, што ў большай ступені пацярпелі дзеці-пасажыры - пад асаблівым кантролем вартавых дарог - вадзіцелі, якія адказваюць за бяспеку перавозкі сваіх пасажыраў.
ДАІ нагадвае! За парушэнне правілаў перавозкі дзяцей у адпаведнасці з ч.6 арт. 18.13 КоАП Рэспублікі Беларусь у адносінах да вадзіцеля накладаецца адміністрацыйнае спагнанне ў выглядзе штрафу ў памеры да 4 БВ.
Паважаныя дарослыя, каб пазбегнуць няшчасных выпадкаў на дарозе, нагадваем аб сістэматычным паўтарэнні з дзіцём асноўных Правілаў дарожнага руху і пастаянным кантролі за вольным часам дзяцей, у тым ліку захаванне мер бяспекі падчас катання на санках і цюбінгах. Пры выкарыстанні асабістага аўтатранспарту настойліва рэкамендуем прышпільвацца рамянямі бяспекі, у абавязковым парадку перавозіць дзяцей толькі прышпіленымі рамянямі бяспекі, а для дзяцей малодшага ўзросту выкарыстоўваць спецыяльныя ўтрымліваючыя прылады!
Патлумачце дзіцяці, што, знаходзячыся паблізу або на праезнай частцы, яно не павінна размаўляць па тэлефоне і не слухаць музыку ў навушніках, бо гэта адцягвае ўвагу! Пры пераходзе праезнай часткі па пешаходным пераходзе лепш не проста моцна трымаць дзіця за апранутую ў рукавіцу руку, але і прытрымваць яго за запясце. Неабходна на асабістым станоўчым прыкладзе прывучаць дзіця да гранічнай увагі, дысцыпліны і няўхільнага захавання правілаў дарожнага руху.
Бяспечных канікул!
УДАІ УУС Мінскага аблвыканкама