Пасля ўдалага выступлення ў абласной спартакіядзе ДЮСШ, адкуль Крупская спартыўная школа выйшла пераможцам, наша лёгкаатлетычная дружына адправілася ў г.Брэст і таксама паспяхова вырашыла ўсе асноўныя задачы - у камандным заліку сярод раённых спартыўных школ Рэспублікі Беларусь КРУПСКАЯ ДЮСШ размясцілася на III-ым агульнакамандным месцы! Апярэдзіўшы нашу каманду ўсяго на 3 ачкі другое месца заняла каманда СДЮШАР №1 г.Рагачова (Гомельская вобласць), а каманда ДЮСШ Трыумф г.Смаргонь (Гродзенская вобласць) з вынікам 79 ачкоў стала пераможцам сярод раённых ДЮСШ, СДЮШАР.
НА ФОТА: ТРОЙКА ПРЫЗЁРАЎ У КАМАНДНЫМ ЗАЛІКУ СЯРОДЫ РАЁННЫХ ДЮСШ, СДЮШАР РЭСПУБЛІКІ БЕЛАРУСЬ: 1-е месца - ДЮСШ Трыумф г.Смаргонь (Гродзенская вобласць); 2-е месца – СДЮШАР №1 г.Рагачова (Гомельская вобласць); 3-е месца - КРУПСКАЯ ДЮСШ (Мінская вобласць).
У асабістым першынстве Спартакіяды РБ у бегу на 1500 метраў з перашкодай БРАНЗАВУЮ ўзнагароду заваявала Кандраценка Інэса.
НА ФОТА: Кандраценка Інэса - БРОНЗАВЫ прызёр у бегу на 1500 метраў з перашкодай Спартакіяды ДЮСШ, СДЮШАР Рэспублікі Беларусь сярод юнакоў, дзяўчат 2007-2008 гадоў нараджэння.
Праз 5 дзён каманда Крупскага раёна ў вялікім складзе спаборнічала адразу ў трох спаборніцтвах абласнога ўзроўню: Першынстве Мінскай вобласці сярод юнакоў, дзяўчат 2007-2008 г.н.; Першынстве Мінскай вобласці сярод юніёраў 2003-2004 г.г.н.; Чэмпіянат Мінскай вобласці.
У рамках Першынства сярод 2007-2008 гадоў нараджэння прызавыя месцы занялі: Войніч Таццяна (2-е месца ў бегу на 1500м. з перашкодай); Грышанкова Анастасія (1-е месца ў бегу на 1500м. з перашкодай); Іванова Анастасія (1-е месца ў бегу на 800м; 2-е месца ў бегу на 400м; 3-е месца ў бегу на 100м); Кандраценка Інэса (1-е месца ў бегу на 1500м; 1-е месца ў бегу на 3000м); Краўчанка Вераніка (1-е месца ў бегу на 100м, 1-е месца ў бегу на 200м); Кухарэнка Станіслаў (1-е месца ў бегу 400м, 1-е месца ў бегу на 800м); Пятровіч Кірыл (1-е месца ў бегу на 2000м з/п, 1-е месца ў бегу на 3000м); Садоўскі Мікіта (1-е месца ў бегу на 300м з бар'ерамі); жаночая эстафета 100м+200м+300м+400м (Хацкевіч К., Краўчанка В., Барадач А., Іванова А. - 2-е месца); Мужчынская эстафета 100м+200м+300м+400м (Барадач А., Пятровіч К., Садоўскі М., Кухарэнка С.- 3-е месца);
У камандным заліку малодшыя юнакі з вынікам 125 ачкоў занялі ПЕРШАЕ МЕСЦА! На другой пазіцыі з вынікам 116 ачкоў размясцілася каманда Маладзечанскага раёна, трэцяе месца заняла каманда Уздзенскага раёна - 83 ачкі.
У рамках першынства Мінскай вобласці сярод юніёраў прызавыя месцы занялі:
Касцюкевіч Максім (1-е месца ў бегу на 400м); Навуменка Таццяна - (3-е месца ў бегу на 400м); Гардзіевіч Данііл (1-е месца ў бегу на 1500м, 1-е месца ў бегу на 3000м); Шніткоў Мікіта (3-е месца ў бегу на 1500м); Камароўская Анастасія (1-е месца ў бегу 1500м, 1-е месца ў бегу на 800м); Шавялёў Арцём (2-е месца ў бегу на 400м з бар'ерамі, 3-е месца ў бегу на 400м); Рубін Дзяніс (1-е месца ў бегу на 200м); Мацюшонак Ігар (2-е месца ў бегу на 1500м, 3-е месца ў бегу на 800м; Шэвелеў А., Мацюшонак І., Гардзіевіч Д., Рубін Д. (1-е месца ў эстафеце 4х100м).
У камандным заліку прызавыя месцы размясціліся наступным чынам: першае месца - каманда Маладзечанскага раёна - 53 ачкі; другое месца - Уздзенскі раён 45 ачкоў; трэцяе месца - КРУПСКІ РАЙОН - 38 АЧКОЎ!
У рамках Чэмпіянату Мінскай вобласці прызавыя месцы ў скарбонку каманды Крупскага раёна прынеслі: Барабаншчыкаў Арцём (1-е месца ў бегу на 5000м, 1-е месца ў бегу на 3000м); Януковіч Яўген (1-е месца ў бегу на 400м, 1-е месца ў бегу на 200м); Кабалан Дыяна (1-е месца ў бегу на 3000м).
У камандным заліку Чэмпіянату Мінскай вобласці першае месца заваявала каманда Маладзечанскага раёна - 32 ачкі; каманда Крупскага раёна заняла другое месца - 31 ачко і на трэцім месцы размясцілася каманда Уздзенскага раёна - 16 ачкоў.
НА ФОТА: юнацкая лёгкаатлетычная каманда Крупскага раёна - ПЕРАМОЖЦА першынства Мінскай вобласці сярод юнакоў, дзяўчат 2007-2008 гадоў нараджэння.
Па выніках двух дзён спаборніцтваў у трох спаборніцтвах Крупскія атлеты заваявалі ў агульнай складанасці 34 прызавыя месцы, з якіх дваццаць тры - першых, пяць - другіх і шэсць трэціх!
Далей у спаборніцкім сезоне ішла чарада рэспубліканскіх першынстваў у юнакоў малодшага, сярэдняга і старэйшага ўзросту. У спаборніцтвах рэспубліканскай спартакіяды школьнікаў Рэспублікі Беларусь сярод юнакоў, дзяўчат 2008-2009 гадоў нараджэння паспяхова выступіла спартсменка-навучэнка Крупскай ДЮСШ, вучаніца Крупскай раённай гімназіі Краўчанка Вераніка. Сёлета ў гэтым старце бралі ўдзел спартсмены з Расійскай Федэрацыі, што ў разы павысіла канкурэнцыю на бегавых дарожках. Нягледзячы на гэты факт, Вераніка паспяхова прабілася ў фінальныя забегі і ў фінале змагла фінішаваць на сёмай пазіцыі.
НА ФОТА: Краўчанка Вераніка (2 дарожка, нагрудны нумар 301) у фінальным забегу на 60 метраў у дзяўчат 2008-2009 гадоў нараджэння.
Трэба адзначыць, што першыя 3 пазіцыі ў выніковым пратаколе заваявалі спартсменкі з Расійскай Федэрацыі. Паказаўшы высокія секунды для свайго ўзросту, Вераніка адабралася ў зборную каманду юнакоў і дзяўчат 2008-2009 гадоў нараджэння для ўдзелу ва Усерасійскай гімназіядзе, якая пройдзе ў канцы жніўня ў г.Арол (Расійская Федэрацыя).
Яшчэ больш паспяховымі аказаліся выступленні нашых спартсменаў у Першынстве Рэспублікі Беларусь сярод юніёраў і Алімпійскіх днях моладзі сярод юнакоў 2005-2006 гадоў нараджэння.
Сярод юніёраў у бегу на самую доўгую дыстанцыю - 5000 метраў, упэўнена і тэхнічна, прабегшы ўсю дыстанцыю лідэрам, перамогу святкаваў выхаванец Крупскай ДЮСШ - Касцюкевіч Максім, тым самым пацвердзіўшы званне аднаго з наймацнейшых бегуноў на цягавітасць у Рэспубліцы Беларусь.
НА ФОТА: Касцюкевіч Максім фінішуе ў рангу ПЕРАМОЖЦА ў бегу на 5000 метраў!
У спаборніцтвах Алімпійскіх Дзён моладзі Рэспублікі Беларусь у эстафеце 4х100 метраў каманда Мінскай вобласці заваявала трэцяе месца. На трэцім этапе ў складзе каманды ўдзельнічаў спарцмен-навучэнец Крупскай ДЮСШ, вучань Сярэдняй школа №3 г.Крупкі Шавялёў Арцём, шмат у чым дзякуючы якому каманда і здолела патрапіць у тройку прызёраў.
НА ФОТА: Каманда-пераможца і прызёры ў эстафетным бегу 4х100 метраў, 3-е месца - каманда Мінскай вобласці!
Таксама з гэтага года ў каляндарны план спартыўных мерапрыемстваў уключаны новы фармат спаборніцтваў - Спартакіяда вучылішчаў алімпійскага рэзерву (далей - ВАР). У гэтых спаборніцтвах удзельнічаюць спартсмены-навучэнцы ВАРаў і спаборніцтвы праходзяць па звязках – аб'яднанне некалькіх лёгкаатлетычных відаў у адзін від праграмы. Па выніках выступлення ва ўсіх відах звязкі вызначаецца пераможца. Прыемна адзначыць, што ў гэтых спаборніцтвах засвяціліся і выхаванцы Крупскай ДЮСШ – у лёгкаатлетычным звязку 300+100+3. Скачок з месца 2-е месца заняла Буронышава Анастасія!
НА ФОТА: Буронышава Анастасія (злева) – сярэбраны прызёр рэспубліканскіх спаборніцтваў сярод ВАР.
Заканчэннем спаборніцкага сезона стала выступленне трэнера-выкладчыка Крупскай ДЮСШ Варановіча Уладзіміра Аляксеевіча ў спаборніцтвах VI Адкрытага Чэмпіянату Рэспублікі Беларусь сярод ветэранаў, які сваім асабістым прыкладам у чарговы раз даказаў, што важней за ўсё - душою не старэць! Ва ўзроставай катэгорыі 65-69 гадоў на дыстанцыі 800 метраў у бескампраміснай барацьбе Уладзімір Аляксеевіч заваяваў БРОНЗАВУЮ ЎЗНАГАРОДУ!
НА ФОТА: Уладзімір Варановіч - бронзавы прызёр у бегу на 800 метраў сярод мужчын 65-69 гадоў у рамках VI адкрытага Чэмпіянату Рэспублікі Беларусь сярод ветэранаў.
Летні сезон 2022 года выдаўся вельмі гарачым і насычаным на спартыўныя падзеі. Было ўсталявана шмат асабістых рэкордаў і вельмі прыемна, што Крупскі раён гучыць на абласных і рэспубліканскіх арэнах усё гучней і гучней. Наперадзе ў лёгкаатлетаў канікулы, аднак, нават на канікулах яны прадоўжаць падтрымліваць сваю спартыўную форму, каб у жніўні пачаць мэтанакіраваную падрыхтоўку да асенне-зімовага бегавога сезону!