Згодна з даследаваннямі, для людзей, выкінутых з аўтамабіля, верагоднасць загінуць у дзясяткі разоў больш, чым для пакінутых у машыне. Статыстыка ДТЗ паказвае, што 80% вадзіцеляў і пасажыраў, якія карысталіся рамянём бяспекі, трапіўшы ў ДТЗ, не атрымалі ніякіх траўм.

Навукоўцы вышэйшага інстытута аховы здароўя Еўропы даказалі, што ўжыванне рамянёў бяспекі ў 21 краіне спрыяла скарачэнню колькасці ДТЗ з цяжкімі траўмамі і смяротным зыходам на 60-80%, а з менш цяжкімі - на 40-60%. Французскія спецыялісты ў галіне пасіўнай бяспекі аўтамабіля ўстанавілі, што ў выпадку франтальнага сутыкнення прымяненне рамянёў бяспекі ў 9 разоў зніжае верагоднасць атрымання цяжкіх або смяротных раненняў галавы ў пасажыраў, якія знаходзяцца на пярэдніх сядзеннях.

Фірмы-вытворцы аўтамабіляў, абсталяваных падушкамі бяспекі, сцвярджаюць, што названыя прылады эфектыўныя толькі пры выкарыстанні вадзіцелямі і пасажырамі рамянёў бяспекі.

Многія вадзіцелі аўтатранспарту скардзяцца на тое, што, прышпіліўшыся, за рулём адчуваюць сябе некамфортна і гэта перашкаджае ім кіраваць аўтамабілем. Але ёсць і тыя, якія наадварот, не прышпіліўшыся, адчуваюць дыскамфорт і неабароненасць. Людзі, якія задумваюцца аб сваёй бяспецы, пачынаюць няўхільна выконваць патрабаванні Правілаў дарожнага руху. І калі гэта ўваходзіць у норму, іх дзеянні даходзяць да аўтаматызму. Часам, калі вадзіцель не прышпілены, і, трапіўшы нават у нязначнае ДТЗ, у аўтамабіля ў выніку няма сур'ёзных пашкоджанняў, а вось вадзіцель або пасажыры атрымліваюць цяжкія траўмы.

6 сакавіка каля 21.30 гадзін на 9 км аўтадарогі «Чэрвень-Ляды-Якшыцы» паблізу в. Язоўкі Чэрвенскага раёна, 47-гадовы жыхар Чэрвенскага раёна, кіруючы аўтамабілем «Фальксваген Пола», рухаючыся з боку в. Горкі ў напрамку г.Чэрвень, на закругленні дарогі налева не справіўся з кіраваннем, з'ехаў у левы па ходзе руху кювет і перакуліўся. У выніку ДТЗ вадзіцель ад атрыманых цялесных пашкоджанняў памёр на месцы здарэння. Таксама ў аўтааварыі пацярпеў 20-гадовы мінчанін, які з траўмамі шпіталізаваны ў рэанімацыйнае аддзяленне. Кіроўца і пасажыр рамянём бяспекі не былі прышпілены.

20 сакавіка каля 24.00 гадзін на 59 км аўтадарогі Р-53 «Слабада - Навасады» Барысаўскага раёна, 30-гадовы барысаўчанін, кіруючы аўтамабілем «БМВ», рухаючыся ў кірунку в. Лошніца, не справіўся з кіраваннем транспартнага сродку, з'ехаў у кювет, дзе здзейсніў наезд на дрэва. У выніку ДТЗ вадзіцель загінуў на месцы здарэння. Устаноўлена, што раней ён быў пазбаўлены вадзіцельскага пасведчання за кіраванне ў нецвярозым стане. На момант аварыі кіроўца не быў прышпілены рамянём бяспекі.

І якраз той выпадак, калі рамень бяспекі збярог падлетка, які трапіў у аўтааварыю ад больш сур'ёзных траўм.

25 студзеня каля 12 гадзін 38-гадовы жыхар Брэсцкай вобласці, кіруючы аўтамабілем «Даф», рухаючыся па другараднай дарозе «Калачы-Крайск», не саступіў дарогу аўтамабілю «Рэно Сандэра» пад кіраваннем 35-гадовай жыхаркі Віцебскай вобласці , якая рухалася па галоўнай дарозе «Барысаў-Ашмяны», у выніку чаго адбылося сутыкненне транспартных сродкаў.

У аўтааварыі пацярпеў 13-гадовы падлетак, жыхар Аршанскага раёна. Непаўналетні з траўмамі ў выглядзе ЗЧМТ лёгкай ступені, страсеннем галаўнога мозгу, ранкамі ілба шпіталізаваны. Устаноўлена, што ён сядзеў на заднім сядзенні і быў прышпілены рамянём бяспекі, што дапамагло пазбегнуць больш сур'ёзных траўм.

ДАІ нагадвае, што за кіраванне транспартным сродкам вадзіцелем, не прышпіленым рамянем бяспекі, перавозку пасажыраў, не прышпіленых рамянямі бяспекі, калі канструкцыяй транспартнага сродку прадугледжаны рамяні бяспекі, а таксама кіраванне матацыклам, мапедам або перавозка на іх пасажыраў без моташлемаў або з не зашпіленымі моташлемамі ў адпаведнасці з ч.3 арт.18.11 КоАП Рэспублікі Беларусь у адносінах да вадзіцеля накладаецца адміністрацыйнае спагнанне ў выглядзе папярэджання або штрафу ў памеры да 1 БВ.

З пачатку года на тэрыторыі вобласці адбылося 7 ДТЗ з удзелам дзяцей-пасажыраў, у якіх 1 дзіця загінула і 6 непаўналетніх атрымалі траўмы. У 3 здарэннях, вадзіцелі парушылі правілы перавозкі непаўналетніх пасажыраў.

7 студзеня каля 15.20 на 30 км аўтадарогі «Старобін-Скаўшын-Сосны» ў Салігорскім раёне кіроўца, 1975 г.н., не маючы права кіравання транспартным сродкам, тым не менш, рухаючыся на аўтамабілі «Фальксваген Пасат», пры павароце налева, не саступіў дарогу кіроўцу аўтамабіля «Аўдзі А6», 1992 г.н., якая рухалася ў сустрэчным напрамку. У выніку аўтааварыі непаўналетні пасажыр, 2014 г.н., аўтамабіля «Фольксваген Пасат» з атрыманымі траўмамі шпіталізаваны, сам кіроўца аўтамабіля атрымаў цялесныя пашкоджанні, але не шпіталізаваўся. Кіроўца аўтамабіля «Аўдзі А6» не пацярпела. Вядома, што непаўналетні пасажыр знаходзіўся ў аўтамабілі на пярэднім сядзенні без спецыяльнай дзіцячай утрымліваючай прылады і не быў прышпілены рамянём бяспекі.

Усяго з пачатку года вартавымі дарог да адміністрацыйнай адказнасці за парушэнне правілаў перавозкі непаўналетніх пасажыраў прыцягнута 2104 кіроўцы.

Нагадаем, згодна з п.178 ПДР «Перавозка дзяцей у легкавым аўтамабілі, абсталяваным рамянямі бяспекі, павінна ажыццяўляцца з выкарыстаннем:

дзіцячых утрымліваючых прылад, якія адпавядаюць вазе і росту дзіцяці, - ва ўзросце да пяці гадоў;

дзіцячых утрымліваючых прылад, якія адпавядаюць вазе і росту дзіцяці, іншых сродкаў (бустэраў, спецыяльных падушак для сядзення, дадатковых сядзенняў), якія дазваляюць бяспечна прышпіліць дзіця з дапамогай рамянёў бяспекі, прадугледжаных канструкцыяй транспартнага сродку, – ва ўзросце ад пяці да дванаццаці гадоў.

Дапускаецца перавозіць дзяцей ва ўзросце да дванаццаці гадоў без выкарыстання ўказаных у частцы першай гэтага пункта прылад у выпадку, калі рост дзіцяці перавышае 150 сантыметраў, а таксама ў аўтамабілі-таксі.

Забараняецца перавозка дзяцей на пярэднім сядзенні легкавога аўтамабіля з выкарыстаннем дзіцячых утрымліваючых прылад, якія адпавядаюць вазе і росту дзіцяці, спінка якіх разгорнута да лабавога шкла транспартнага сродку, калі пярэдняе сядзенне мае падушку бяспекі, за выключэннем выпадку, калі механізм франтальнай падушкі бяспекі адключаны».

Дапускаецца выкарыстанне не толькі так званых «дзіцячых крэслаў», але і іншых прылад, якія дазваляюць бяспечна прышпіліць дзіця з дапамогай штатных рамянёў бяспекі.

ДАІ нагадвае, што за парушэнне правілаў перавозкі дзяцей у адпаведнасці з ч.6 арт.18.13 КоАП Рэспублікі Беларусь у дачыненні да кіроўцы накладаецца адміністрацыйнае спагнанне ў выглядзе папярэджання ці штрафу ў памеры да 4 БВ.

Паважаныя кіроўцы! Ад сітуацыі, якая раптоўна можа ўзнікнуць, на дарозе не застрахаваны ніхто. Паклапаціцеся аб сваіх пасажырах! Перавозіце дзяцей толькі ў спецыяльных утрымліваючых прыладах. Не забывайце пры гэтым фіксаваць аўтакрэсла і прыфастрыгоўваць рамянём бяспекі маленькіх пасажыраў! Памятайце, гэта дапаможа захаваць жыццё і здароўе!

УДАІ УУС Мінаблвыканкама