Безумоўна, дарога з'яўляецца месцам павышанай небяспекі для ўсіх без выключэння катэгорый удзельнікаў дарожнага руху. Але ёсць уразлівая катэгорыя - пешаходы і найменшая памылка з іх боку можа стаць смяротнай.
Падчас штодзённых рэйдаў ДАІ адпрацуе месцы канцэнтрацыі ДТЗ, а таксама аварыйна небяспечныя ўчасткі аўтамабільных дарог і вуліц населеных пунктаў, найбольш схільных да рызыкі ўчынення наездаў на пешаходаў і веласіпедыстаў. Вартавыя дарог звернуць увагу на выяўленне парушэнняў з боку пешаходаў, якія ігнаруюць ПДР, не абазначаюць сябе святлоадбіўнымі элементамі ў цёмны час сутак, а таксама на асоб, якія знаходзяцца на праезнай частцы або паблізу ад яе ў нецвярозым стане. Таксама пад кантролем і вадзіцелі, якія не даюць перавагі пешым удзельнікам у дарожным руху.
Пешаходны пераход - з'яўляецца небяспечным месцам. Небяспека можа пагаршацца абмежаваным аглядам, навалай пешаходаў, сярод якіх адзін апынецца нецярплівым. У населеных пунктах праблемай застаюцца наезды на пешаходаў на нерэгулюемых пешаходных пераходах. Не выкананне патрабаванняў Правілаў вадзіцелямі транспартных сродкаў у частцы праезду нерэгулюемых пешаходных пераходаў і прадастаўлення перавагі ў руху пешаходам таксама часта прыводзіць да ДТЗ.
Нягледзячы на тое, што пры гэтым відавочна віна кіроўцаў, якія парушаюць патрабаванні правілаў праезду нерэгулюемых пешаходных пераходаў, у некаторых выпадках бачыцца і асабістая бестурботнасць саміх пешаходаў.
Паважаныя кіроўцы, пры набліжэнні да пешаходнага перахода трэба загадзя знізіць хуткасць, аж да прыпынку, павысіць увагу, ацаніць умовы бачнасці і агляду. Неабходна прапусціць пешаходаў, якія пачынаюць або завяршаюць пераход. Паважаныя пешаходы, у сваю чаргу перад пачаткам пераходу ўпэўніцеся, што выхад на праезную частку дарогі бяспечны. Неабходна спыніцца каля краю праезнай часткі, паглядзець па баках, пераканацца, што вадзіцелі вас заўважылі, паспелі спыніць транспартныя сродкі і толькі тады пачынаць пераходзіць дарогу. Пры пераходзе праезнай часткі не размаўляйце па мабільным тэлефоне, адключайце навушнікі, малалетніх дзяцей бярыце за руку.
Прамую пагрозу бяспечнаму дарожнаму руху ствараюць нецвярозыя пешаходы. Гэта, як правіла, людзі, якія вядуць асацыяльны лад жыцця, непрацуючыя, неаднаразова парушаючыя ПДР, якія злоўжываюць спіртнымі напоямі, ва ўзроставай катэгорыі ў асноўным 30-50 гадоў, амаль заўсёды апранутыя ў цёмнае адзенне, не пазначаныя святлоадбіўнымі элементамі ў цёмны час сутак. Акрамя таго, неадэкватнасць нецвярозых пешаходаў, іх раптоўны выхад на праезную частку і жаданне "паляжаць" на праезнай частцы заканчваюцца смяротна.
Дзяржаўтаінспекцыя звяртаецца да ўсіх удзельнікаў дарожнага руху: калі вы бачыце паблізу праезнай часткі пешахода (веласіпедыста), які знаходзіцца з характэрнымі прыкметамі ап'янення, якое відавочна ўяўляе небяспеку для руху, просім вас неадкладна паведамляць у дзяжурную частку па тэлефоне 102
УДАІ УУС Мінскага аблвыканкама