Традыцыйна на дадзеныя спаборніцтвы збіраюцца самыя моцныя бегуны цэнтральнага рэгіёну, бо гэты старт з'яўляецца адборачным і па выніках забегаў фарміруецца зборная каманда Мінскай вобласці для ўдзелу ў Чэмпіянаце Рэспублікі Беларусь.

Склад каманды на абласны крос рознаўзроставы - на дыстанцыях ад 1 да 6 км спрабавалі свае сілы, як пачынаючыя спартсмены ва ўзросце 14-15 гадоў, так і ўжо дарослыя бегуны з 1998 года нараджэння і старэй.

У гэтым годзе для барацьбы ў камандным першынстве было зарэгістравана больш за 250 спартсменаў з 17 раёнаў Мінскай вобласці, у тым ліку і зборная каманда Крупскага раёна, якая складаецца пераважна са спартсменаў-навучэнцаў і выхаванцаў Крупскай ДЮСШ.

У гэты дзень у каманды Крупскага раёна атрымлівалася калі не ўсё, то вельмі многае і ў кожным забегу нашы спартсмены давалі заліковыя ачкі, пацвярджаючы званне адной з наймацнейшых каманд Мінскай вобласці.

У бескампрамісным суперніцтве наша каманда, набраўшы 352 ачкі, выйшла пераможцам і заслужана заваявала званне чэмпіёнаў Мінск вобласцi па лёгкаатлетычным кросе!

Другое месца ў камандным першынстве заняла зборная дружына Маладзечанскага раёна - 282 ачкі.

І на трэцяй пазіцыі з вынікам 171 ачко апынулася каманда Стаўбцоўскага раёна.

НА ФОТА: каманда Крупскім раёне - Пераможца Чэмпіянату і першынства Мінскай вобласці па лёгкаатлетычным кросе.

Прызёрамi ў асабістым першынстве сталі:

Іванова Анастасія - III-е месца на дыстанцыі 1 км; Гардзiевiч Данііл - II-е месца на дыстанцыі 2 км; Касцюкевіч Максім - II-е месца на дыстанцыі 3 км; Камароўская Анастасія - II-е месца на дыстанцыі 3 км; Мiкуцкая Дар'я ­ -I II-е месца на дыстанцыі 3 км; Трушко Аляксандр - I-е месца на дыстанцыі 4 км; Барабаншчыкаў Арцём - I-е месца на дыстанцыі 6 км (мужчыны), Камароўскі Яўген - II-е месца на дыстанцыі 6 км (моладзь).

НА ФОТА: Камароўская Анастасія (2-е месца), Мiкуцкая Дар'я (3-е месца) - прызёры ў бегу на дыстанцыі 3 км у дзяўчат 2002-2003 г.г.р.

- Сабраць каманду ў поўнай баявой гатоўнасці, задача не самая лёгкая - адзначае прадстаўнік каманды, трэнер па лёгкай атлетыцы Уладзімір Варановіч, - калі з юнацкім узростам усё больш-менш проста - гэтыя хлопцы трэніруюцца ў нашай спартыўнай школе, абласных вучылішчах алімпійскага рэзерву і заўсёды пад кантролем, то з больш старэйшым узростам усё складаней: хтосці вучыцца ў ВНУ, СНУ, хтосцi ўжо працуе і ва ўсіх, вядома ж, існуюць асабістыя праблемы і складанасці, якія сумесна стараемся вырашаць па меры паступлення і заўсёды ісці на сустрэчу. Рыхтуемся заўсёды загадзя, апошнія некалькі тыдняў «на тэлефоне» практычна 24 гадзіны ў суткі.

Не ўсе становяцца пераможцамі і прызёрамі, але толькі дзякуючы суладнай працы, адказнасці і самаахвярнасці ўсіх членаў каманды зборная Крупскага раёна вось ужо восьмы сезон (крос праводзіцца два разы на год, вясной і восенню) трымае лідэрства ў спаборніцтвах па лёгкаатлетычным кросе.