Усім вядома, што курэнне шкодзіць здароўю.

Але далёка не ўсе ўсведамляюць, што і пасіўнае курэнне таксама прыносіць велізарную шкоду.

Асаблівы ўплыў на рызыку ўзнікнення анкалагічных захворванняў мае такая згубная звычка як тытунекурэнне. Ужо даказана сувязь тытунекурэння з 12 формамі рака ў чалавека. У першую чаргу гэта рак лёгкага, стрававода, гартані і паражніны рота. Вялікая колькасць выпадкаў рака мачавой бурбалкі, падстраўнікавай залозы і меншая колькасць выпадкаў рака ныркі, страўніка, малочнай залозы, шыйкі маткі, насавой паражніны.

Паказчык рызыкі, звязаны з курэннем, розны для пухлін розных лакалізацый і залежыць ад узросту на момант пачатку курэння, працягласці курэння і колькасці цыгарэт, выкурваемых у дзень.

Па выніках даследаванняў амерыканскіх навукоўцаў важную ролю на момант пачатку курэння грае ўзрост. Найбольшая рызыка ўзнікнення рака лёгкага адзначана ў мужчын, якія распачалі паліць да 15 гадоў.

Рызыка ўзнікнення рака паражніны рота і глоткі ў палячых павышаны ў 2-3 разы ў параўнанні з не палячымi і ў 10 разоў у палячых больш адной пачкі цыгарэт у дзень, а рызыка ўзнікнення рака лёгкага павялічваецца ў 3-4 разы пры скурванне больш 25 цыгарэт у дзень.

Рызыка ўзнікнення рака стрававода ў 5 разоў вышэй у курцоў па параўнанні з не палячымi, а рызыка рака страўніка – у 1,5 разы. Курэнне з'яўляецца адной з прычын рака падстраўнікавай залозы, і рызыка ўзнікнення рака ў палячых павышана ў 2-3 разы. Выяўлена павышаная рызыка развіцця рака печані ў палячых, асабліва ў спалучэнні з ужываннем алкаголю або ў інфіцыраваных вірусамі гепатыту В і С. Рызыка рака мачавой бурбалкі і ныркі сярод палячых павышана ў 5-6 разоў. Выяўлена сувязь паміж курэннем і ракам шыйкі маткі ў жанчын, інфіцыраваных вірусам папіломы чалавека.

Пасіўнае курэнне (знаходжанне побач з палячым) таксама з'яўляецца небяспечным і павышае рызыку ўзнікнення рака лёгкага на 30%.

Курэнне з'яўляецца важнейшай прычынай развіцця злаякасных пухлін.

Калі мы хочам абараніць сябе і не ператварыцца ў актыўных або ў пасіўных курцоў, то нам прыйдзецца навучыцца ўсведамляць свае правы на чыстае паветра і навучыцца іх абараняць.

ДУ «Крупскі раённы цэнтр гігіены і эпідэміялогіі»