Каб чарговы раз нагадаць дзецям аб правілах бяспечных паводзін у летні перыяд, ратавальнікі разам з педагогамі арганізавалі «Карусель бяспекі». Каманды рухаюцца па станцыях бяспекі, на кожнай неабходна выканаць адно з заданняў: пытанні на веданне пажарнай бяспекі, аказанні першай медыцынскай дапамогі, скласці нумары экстранных спецслужбаў і выклікаць ратавальнікаў, прымерыць баявую вопратку ... ва ўзнагароду кожнаму ўдзельніку - падарунак ад ратавальнікаў.

Пасля падвядзення вынікаў гульні рабяты прагледзелі навучальны фільм «Школа бяспекі», а прадэманстраваць свае веды яны змаглі адразу пры адпрацоўцы плана эвакуацыі.

А на вуліцы іх ужо чакалі ратавальнікі, каб прадэманстраваць пажарную тэхніку і абсталяванне. Калі малышне было цікава залезці ў машыну, паруліць, пасігналіць, то старэйшых цікавіў тэхнічны бок. З вялікай цікавасцю і хлопцы, і дзяўчынкі слухалі аповяд байца. Магчыма, вельмі хутка гэтыя рабяты папоўняць шэрагі МНС?